影片
更多
2025-06-16
1084 浏览
今次同朋友嚟到北角La Parrilla Steakhouse，餐廳環境寬敞舒適，裝修充滿異國風情，落單時職員都係外國人，氣氛好Chill，好有去咗外國小餐館嘅感覺，想輕鬆enjoy一餐真係啱晒！前菜方面，首先係牛油長法包🥖，外脆內軟，麵包香氣十足，配上牛油，簡單但非常美味。阿根廷自家製餡餃份量十足，雞肉口味Juicy又有孜然香，完全唔同中式餃子嘅感覺，食完好有驚喜。阿根廷檸檬醃蝦賣相精緻，蝦肉鮮甜，配埋橙汁、聖女果同多款蔬菜，酸甜清新，夏天食真係一流。香蒜薯條用小鐵桶上枱，外脆內軟，灑上蒜粒、鹽粒同紫菜粉，香味十足，仲可以任食，啱晒薯條控！我哋食左2大兜😝主菜方面，我哋試咗220g平鐵牛扒同封門柳。平鐵牛扒肉質有咬口，牛味濃郁，啱晒鍾意有質感牛扒嘅朋友；封門柳則相對腍身，肉味更濃，表面煎得香脆，個人就特別鍾意呢款，肉汁豐富又唔乾身。甜品一定要試自家製阿根廷油條（+$68），新鮮炸起外脆內軟，內裡煙韌，配埋甜甜地嘅肉桂醬汁，食落充滿香氣，特色十足。飲品方面加咗杯美式咖啡（+$35），咖啡香濃，可以自選加唔加奶，個人就鍾意齋啡，最能飲出咖啡嘅原味。整體嚟講，La Parrilla Ste
今次同朋友嚟到北角La Parrilla Steakhouse，餐廳環境寬敞舒適，裝修充滿異國風情，落單時職員都係外國人，氣氛好Chill，好有去咗外國小餐館嘅感覺，想輕鬆enjoy一餐真係啱晒！
前菜方面，首先係牛油長法包🥖，外脆內軟，麵包香氣十足，配上牛油，簡單但非常美味。
阿根廷自家製餡餃份量十足，雞肉口味Juicy又有孜然香，完全唔同中式餃子嘅感覺，食完好有驚喜。
阿根廷檸檬醃蝦賣相精緻，蝦肉鮮甜，配埋橙汁、聖女果同多款蔬菜，酸甜清新，夏天食真係一流。
香蒜薯條用小鐵桶上枱，外脆內軟，灑上蒜粒、鹽粒同紫菜粉，香味十足，仲可以任食，啱晒薯條控！我哋食左2大兜😝
主菜方面，我哋試咗220g平鐵牛扒同封門柳。平鐵牛扒肉質有咬口，牛味濃郁，啱晒鍾意有質感牛扒嘅朋友；封門柳則相對腍身，肉味更濃，表面煎得香脆，個人就特別鍾意呢款，肉汁豐富又唔乾身。
甜品一定要試自家製阿根廷油條（+$68），新鮮炸起外脆內軟，內裡煙韌，配埋甜甜地嘅肉桂醬汁，食落充滿香氣，特色十足。
飲品方面加咗杯美式咖啡（+$35），咖啡香濃，可以自選加唔加奶，個人就鍾意齋啡，最能飲出咖啡嘅原味。
整體嚟講，La Parrilla Steakhouse係北角區難得有水準嘅阿根廷西餐廳，無論環境、食物定服務都好有驚喜，啱晒同朋友聚餐或者想試新口味嘅你。
张贴
