Shahrazad Lebanese Dining Lounge & Bar

已經第三次嚟大館附近呢間黎巴嫩菜餐廳，最鍾意佢設計到好似阿拉丁童話故事中，充滿異國風情嘅裝潢！顧客大多數都係外國人。黎巴嫩鷹嘴豆泥 （Lebanese Hummus）用鷹嘴豆、芝麻醬、蒜蓉同檸檬汁打成超滑嘅泥，再淋啲橄欖油，撒少少紅椒粉，搽落pita bread度食，香濃又creamy，真係停唔到口紅椒核桃醬（Muhammara）用烤過嘅紅椒、合桃碎、蒜頭同石榴糖蜜撈埋一齊，甜甜哋又有少少辣，仲有啲脆脆哋嘅口感，點餅或者搽麵包都超夾！芝士沙律 （Shanklish Cheese Salad）以中東嘅鹹香芝士 Shanklish 切粒，再加埋番茄、青瓜，好清新菲達芝士菠菜酥（Feta Spinach Borek）酥皮點心Borek，薄薄哋酥皮包住菲達芝士同菠菜餡，焗到金黃色，外脆內軟乳酪燉羊肉（Shakriya）中東人好鍾意用乳酪煮餸，呢個 Shakriya 就係用乳酪醬燉羊肉，酸酸哋又帶少少奶香，羊肉燉到好腍，而且一啲都唔膩！中東烤雞（Shish Tawook）雞肉用蒜蓉、檸檬汁同乳酪醃過，再炭火烤到香噴噴，肉質嫩滑又多汁，食落仲有少少煙燻香，正到爆