影片
更多
2023-06-25
253 浏览
💁♀️💁♂️ 18/6/2023(Sun), Dinner🍽Sogo旁邊嘅澳門逸園中心可以話係銅鑼灣嘅第一代食廈，位處於交通最方便、人流最旺嘅軒尼詩道，呢度有各式各樣嘅食肆，今晚💁♀️為食妙妙同💁♂️A先生就去到屹立呢度26樓有17年歷史嘅備長食日式串燒晚餐😋😋😋。我哋坐喺吧枱，可以睇住廚師🧑🍳製作串燒。眼見佢哋嘅串燒爐火力強勁，好快就可以燒熟食材，保存返食材嘅肉汁/水份，食返食材嘅原味。而今晚我地order咗：🔆 前菜：椰菜、青瓜🥒、紅蘿蔔🥕（$28）一碟新鮮爽脆又雪得夠凍嘅蔬菜碟，食串燒中途可以解膩、清一清口腔，或者就咁點一點調味碟上面嘅味噌，清甜嘅蔬菜加味噌嘅鹹味同豆味都好好食😋。🔆 美國安格斯牛柳（$78）入口肉質軟腍有肉味，油脂豐腴，食落滿口牛油香氣👍👍。🔆 燒白鱔（$88）白鱔夠厚肉，燒得白鱔皮夠脆，鱔肉油脂豐富，簡簡單單鹽燒已經好好食🤤。🔆 露筍豬肉卷（$38）露筍食落嫩滑無渣，入口juicy，豬肉鹽燒過後金黃香口，配合嫩滑露筍一脆一嫩十分匹配👍。🔆 燒蠔🦪（味噌/蔥蒜醬油各一）（@$48）燒得剛熟，蠔肉🦪漲卜卜咁，入口juicy，配蔥蒜燒嘅香口，蠔🦪味濃郁；配味噌嘅一
💁♀️💁♂️ 18/6/2023(Sun), Dinner🍽
Sogo旁邊嘅澳門逸園中心可以話係銅鑼灣嘅第一代食廈，位處於交通最方便、人流最旺嘅軒尼詩道，呢度有各式各樣嘅食肆，今晚💁♀️為食妙妙同💁♂️A先生就去到屹立呢度26樓有17年歷史嘅備長食日式串燒晚餐😋😋😋。
我哋坐喺吧枱，可以睇住廚師🧑🍳製作串燒。眼見佢哋嘅串燒爐火力強勁，好快就可以燒熟食材，保存返食材嘅肉汁/水份，食返食材嘅原味。
而今晚我地order咗：
🔆 前菜：椰菜、青瓜🥒、紅蘿蔔🥕（$28）
一碟新鮮爽脆又雪得夠凍嘅蔬菜碟，食串燒中途可以解膩、清一清口腔，或者就咁點一點調味碟上面嘅味噌，清甜嘅蔬菜加味噌嘅鹹味同豆味都好好食😋。
🔆 美國安格斯牛柳（$78）
入口肉質軟腍有肉味，油脂豐腴，食落滿口牛油香氣👍👍。
🔆 燒白鱔（$88）
白鱔夠厚肉，燒得白鱔皮夠脆，鱔肉油脂豐富，簡簡單單鹽燒已經好好食🤤。
🔆 露筍豬肉卷（$38）
露筍食落嫩滑無渣，入口juicy，豬肉鹽燒過後金黃香口，配合嫩滑露筍一脆一嫩十分匹配👍。
🔆 燒蠔🦪（味噌/蔥蒜醬油各一）（@$48）
燒得剛熟，蠔肉🦪漲卜卜咁，入口juicy，配蔥蒜燒嘅香口，蠔🦪味濃郁；配味噌嘅一隻則比較濃味，味噌嘅味道帶出蠔🦪肉嘅鮮味😍。
🔆 鹽燒雞翼（$32）
雞翼燒過之後雞肉嫩滑有肉汁，雞皮香脆加上鹽燒嘅鹹香，令人食唔停口😋。
🔆 汁燒魷魚🦑筒（$85）
燒汁微微帶甜，燒過之後魷魚🦑嘅觸鬚彈牙，肉身煙煙韌韌，加少少薑蓉同食更覺清新醒胃。
🔆 和牛串燒（5成熟）（$188）
和牛燒過之後外皮香口，內𥚃嘅牛肉燒得5成熟剛好，入口腍滑，放上嘅牛油🧈被串燒嘅熱力溶化後更香口。
🔆 汁燒脆豬耳（$38）
估唔到咁燒嘅豬耳食落幾特別，入口豬耳軟骨嘅部位帶脆口，豬皮嘅部份則食落黏口充滿骨膠原，加上微甜燒汁燒到帶點焦脆，十分吸引。
🔆 大蔥雞肉串（$35）
雞肉嫩滑入口有雞味又有肉汁，大蔥燒過後香甜有蔥香味。
🔆 日本雞大腿肉（蜜糖🍯芥末汁）（$38）
雞髀肉鹽燒過後燒得嫩滑，單單咁食都好吸引，配上蜜糖🍯芥末汁更覺香口。
🔆 梅子茶漬飯（$44）
食過之前嘅串燒都已經飽得七七八八，但總要食返少少澱粉質落肚先得。所以清清哋就叫個茶清飯作為今餐嘅結尾。梅子酸酸地好醒胃，有消膩嘅作用，呢個茶漬飯正好為今餐作個完美嘅句號。
🔆 麒麟生啤（$50/glass）
食串燒總要配返杯啤酒🍻先至夾，冰涼清爽嘅生啤正好係串燒嘅好拍檔。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：9/🔟
❤🙆♀️(為食妙妙)整體食評：9/🔟
👉🏻 串燒師傅有功架，調味恰到好處，我哋都無乜點枱上嘅額外調味料
A先生車友指數 🚗
🛣️ 交通容易指數：🚗🚗🚗🚗🚗(5/5)
🅿️ 泊車容易指數：🚗🚗🚗🚗(4/5)
👉🏻 泊車建議考慮時代廣場🅿️，有大量車位，而泊車優惠又唔難拎
👉🏻 港鐵🚇經銅鑼灣廣場過條就係駱克道，另外巴士🚌、小巴都可以輕易到達
🔆🔆🔆🔆🔆🔆🔆🔆🔆🔆🔆🔆🔆
张贴
