반찬앤쿡 Banchan and Cook (屯門市廣場1期) (已結業)

肥仔約咗個屯門牛食飯，屯門牛推薦呢間韓式cafe，話唔洗等位亦無限制時，可以慢慢嘆。叫咗個二人餐，食得幾開心。👅前菜一坐低，職員已經即時遞上酸酸甜甜嘅蘿蔔﹑青瓜開胃菜。👅巴馬火腿卡邦尼年糕呢有驚喜，年糕長身軟糯，有彈性有咬口，配搭火腿同火腿粒增加口感豐富度。芝士醬幾惹味，仲有隻生雞蛋可以撈嚟食。推薦！👅五花肉玫瑰燉飯燉飯粒粒分明，圍住青醬同芝士碎，幾清新。仲有醬燒汁既五花肉擺係飯上面，入口creamy 。五花肉層層分明，五油脂香同醬汁混合，十分滿意！👅炸雞拼盤有多種味道可揀，我哋揀咗柑橘、甜辣同芝士味。炸雞有8-9件，排得井井有條，仲有炸年糕。雞肉炸到好脆卜卜，但入面既雞都有肉汁，唔會超乾。柑橘味開胃，唔會俾啲醬浸淋晒；甜辣好有韓國風味；芝士味可以再點中間嘅芝士，好邪惡！👅焦糖芝士蛋糕牛角包窩夫即叫即整！芝士蛋糕係軟身，配上熱辣辣嘅脆香窩夫。雖然都幾甜，但好圓滿！👅焦糖蘋果紅豆沙冰 & 無花果梳打叫餐附送特飲。紅豆沙冰有點以溶咗嘅紅豆雪條，幾得意；無花果梳打唔太甜，好天然，幾養生。總結，餐廳環境非常舒適，食物質素不錯，店員有禮主動，屯門牛二人餐開心之選！