Dim Sum Library

营业中

休息中

《Dim Sum Library》一入門口有bar 枱位置可以用餐，但本人就不太喜歡坐高櫈食飯，所以坐返普通矮枱。餐廳的裝潢用餐枱面放哂餐具後空間已所剩無幾，好迫夾 。黑松露蝦餃 $58所謂黑松露其實用上黑松露油去代替，黑松露味唔算香但蝦肉爽口彈牙。海膽蟹肉春卷 $88春卷卷得太實同炸過龍，咬落唔夠鬆脆 。而且唔太食到春卷上嘅海膽味，個人認為此點心純粹卓頭，可不點。鵝肝桂花燻糖心蛋 $108冇諗過塊鵝肝咁肥美有返咁上下厚度，外層煎得薄薄脆口 。但由於下面係煙燻糖心蛋嘅關係，冇將鵝肝多餘嘅油索去，有啲油膩。而下面嘅糖心蛋，蛋黃卻八成熟，變相鵝肝做咗主角，失望。擔擔湯包 $68麻辣版小籠包，皮唔算薄透果種，攤一陣先再食仲有啲乾 。虎蝦菜苗餃 $7878蚊2粒菜苗餃貴咗個蝦。同相像中有啲出入以為會將蝦打碎混入菜苗中，結果係分開，所以下面都只係普通菜苗餃。花枝響鈴腸粉 $-響鈴乾脆可口一啲都唔油，配合枝竹同腸粉包埋一齊食清清地點個豉油唔錯。