上海婆婆 (黃大仙中心北館)

营业中

休息中

今日到黃大仙食飯，係北館地鐵站一上就係上海婆婆，裝修後門面好靚，又坐到卡位好舒服。川渝小籠包賣相係白＋紅色兩隻色好靚。入面既汁少少辣，咬落唧左d紅油出黎好過癮。砂鍋粉魚頭湯我好中意飲湯，係我既必點菜式。依個菜式唔多餐廳會整，因為煲魚湯底要花很多工夫。砂煲上既好處就係餐飯食到最尾啲湯仲熱烘烘，同時亦避免凍左會有腥味。超大碗兩個人每人起碼有兩碗，飲到飽飽！魚頭又有骨膠原又多肉；湯底非常清甜，配埋滑滑嘅嫩豆腐，超讚👍皮蛋凍豆腐凍凍地幾好味，個汁較結身亦濃味，拌勻豆腐食勁正。依隻皮蛋黃好正～桂花蜜汁火方好耐無食過依道菜式了。唔係間間上海鋪有賣。有驚喜，竟然有炸支竹拌碟，包住食超脆口。火方有兩籠蒸到軟綿綿好食，亦一定夠飽。