長阪燒 (已結業)

今日黎左好耐無黎既長阪燒食返餐。長阪燒位於旺角，係一家樓上餐館。呢度裝修非常有特色，好日式呢！我地例牌坐係吧枱，可以望住好多靚靚日式餐具進餐。座位係木椅但係有個超舒服既cushion靠背。餐牌有沙律小食，刺身，深作壽司，壽司，爐端燒，串燒，一品料理，天婦羅，野菜，食事，甜品。見到呢到有日本直送，好似幾新鮮，今晚就試吓先。伊佐目刺身 $580 另加一識食當然食飛機魚，今日有新鮮伊佐目，不如就試試先。係6月至9月當造。擺盤非常精美，刺身一客18片，真係非常新鮮，魚肉嫩口而味道鮮甜，伴有海藻同迷你橙色車厘茄，仲連魚頭同魚骨上。另上辣蘿蔔蓉，蔥花同日本芥末，仲有酸汁可以令魚味更鮮。呢條飛機魚真唔錯。另外仲叫左兩串串燒。日本直送雞小肉 $28 另加一日本直送雞軟骨 $28 另加一兩串串燒一齊上碟，熱辣辣。日本直送雞軟骨一客5粒，燒得好脆口，用鹽燒，所以有少少鹹，可以加d檸檬汁調味。日本直送雞小肉一客6小片，好似雞頸肉，好爽口。伴有一片紅心蘿蔔同檸檬。服務員會幫你放好餐巾，又會詳細介紹食物，非常貼心。