好耐冇同朋友去食放題，旺角嘅【御滿屋】無論價錢定食物質素同種類都係性價比幾好，低至$258嘅A set已經包含長腳蟹、鵝肝、燒生蠔、避風塘炒蟹、任食榴槤、清酒梅酒啤酒任飲同埋haagen daz + movenpick 雪糕任食，食足2小時，大飽口福！
🦀🐟長腳蟹 + 刺身
長腳蟹肉質纖維分明，冰鎮後更爽口；油甘魚切得厚薄適中，新鮮帶油香；三文魚脂感明顯，幾肥美；帶子刺身清甜帶海水味，質地嫩而有彈性
任食榴槤（馬來西亞冷榴槤）
冷凍處理令果肉更挺身，入口先冰涼後綿密化開，入口算清甜，核細肉厚，任食食幾多都得
熟食重點：蒜燒生蠔・芝士焗扇貝・陳年果皮鮑魚・避風塘炒蟹
蒜燒生蠔蒜香濃郁，蠔肉大小適中，帶蠔香；芝士焗扇貝表面焗到金黃，扇貝清甜，肉質嫩滑不韌；陳年果皮鮑魚嘅果皮柑香，鮑魚肉彈牙：避風塘炒蟹嘅蒜酥、椒鹽同辣椒香好惹味，蟹肉保持水分，不油笠，配啤酒啱晒
