木蘭

营业中

休息中

每次入長洲都經過呢間西餐小店，今日閒日見少人，就入去嘆個悠閒午餐。可揀室內或室外座位，我揀室外，因為有陽光又有微海風，仲可以望到船仔長洲海景，感覺好似渡假咁舒服。素菜春卷，即點即製，炸得金黃香脆，估唔到素菜都好好味，簡單餡料，有椰菜、甘筍、薯蓉，調味很好，就咁食都好好味，沾甜辣醬更滋味。蕃茄海鮮意粉用長洲街市每日新鮮入貨，魷魚、蜆肉、蝦肉都非常新鮮，魷魚彈牙，蝦肉爽口，最吸引係蜆肉，超大超鮮甜，脹卜卜好飽滿。意粉也煮得有咬口，掛滿蕃肉的醬汁，用料很足很用心。香草燒雞（半隻），燒得好靚，皮脆肉嫩，做法亦非常欣賞，將rosemary 同調味都釀入雞皮同雞肉之間，雞肉吸哂香料味，每口都有濃郁rosemary 香，雞肉亦保持濕潤多汁，雞胸亦做到嫩腍，雞脾肉有彈性。沙律亦落足料，用油醋汁調味，蔬菜清爽消膩。粗薯條飽肚又重薯味。雖然中午就飲酒，但吹海風嘆酒好chill見到其他客人食pizza都好吸引，下次可以再去。