影片
更多
2025-07-14
166 浏览
美女好友聚會，去咗長沙灣呢間文青Cafe「boholic」，裝修簡約又有啲復古feel，好靚❤️木枱木凳配埋綠色植物，仲有啲小擺設，朋友聚會影相打卡😍！隱世小店，超級推介頭盤：輕煎北海道刺身帶子蟹黃意粉帶子超鮮甜大粒，表面煎到微微金黃，入面保持刺身級嫩滑👍🏻蟹黃醬汁濃郁得嚟唔會腥，加埋al dente嘅意粉一齊食，超級好味！推介💁🏻♀️主菜：西班牙豬鞍架配味噌柚子蛋黃醬豬鞍架厚切但出奇地嫩，外皮煎到脆脆哋，肉汁鎖得好好。個醬汁係亮點，味噌嘅鹹香加上柚子嘅清新，仲有蛋黃醬嘅滑溜，三種味道平衡得剛剛好，好有驚喜❤️😍😍😍甜品:原味鮮果梳乎厘班戟配奶茶味雪糕梳乎厘班戟香噴噴😍超級鬆軟，好似食緊空氣咁，配上新鮮士多啤梨同藍莓，再加埋個奶茶雪糕，茶味香濃得嚟唔會太甜，凍凍哋同暖笠笠嘅班戟一齊食，超正❤️口感同味道都滿分！ 整體嚟講，食物質素高，上菜速度理想😍環境又舒服。雖然價錢中上, 但值得一試，特別推薦俾鍾意影相同朋友聚會，愛慢慢嘆美食嘅朋友❤️
頭盤：輕煎北海道刺身帶子蟹黃意粉
帶子超鮮甜大粒，表面煎到微微金黃，入面保持刺身級嫩滑👍🏻蟹黃醬汁濃郁得嚟唔會腥，加埋al dente嘅意粉一齊食，超級好味！推介💁🏻♀️
主菜：西班牙豬鞍架配味噌柚子蛋黃醬
豬鞍架厚切但出奇地嫩，外皮煎到脆脆哋，肉汁鎖得好好。個醬汁係亮點，味噌嘅鹹香加上柚子嘅清新，仲有蛋黃醬嘅滑溜，三種味道平衡得剛剛好，好有驚喜❤️😍😍😍
甜品:原味鮮果梳乎厘班戟配奶茶味雪糕
梳乎厘班戟香噴噴😍超級鬆軟，好似食緊空氣咁，配上新鮮士多啤梨同藍莓，再加埋個奶茶雪糕，茶味香濃得嚟唔會太甜，凍凍哋同暖笠笠嘅班戟一齊食，超正❤️口感同味道都滿分！
整體嚟講，食物質素高，上菜速度理想😍環境又舒服。雖然價錢中上, 但值得一試，特別推薦俾鍾意影相同朋友聚會，愛慢慢嘆美食嘅朋友❤️
张贴
