新肥泉海鮮大排檔

营业中

休息中

今日去咗生肥泉大排檔嗰度食嘢，真係非常好食，一落單就見到廚房嗰度勁大鑊氣，真係十足大排檔風味豉汁蒸白鱔🐟🫘 新鮮白鱔切段，鋪上薑絲、蔥段，淋上鹹香豆豉蒸汁，蒸到鱔肉滑嫩入味。豆豉醬汁滲入魚肉，每啖都鹹香鮮甜，配白飯一流。啫啫田雞煲🍲🐸 田雞件件嫩滑彈牙，落鑊爆香蒜頭、蔥段、豆豉，再加田雞炒到滋滋聲響起。醬汁包住田雞肉，香氣四溢，食落微辣帶鹹香，超級惹味，啖啖都想再食。黑椒薯仔牛柳粒🥩🥔🌶️ 牛柳粒用高溫快炒，外層焦香內裏嫩滑，薯仔粒煎到金黃香脆。黑椒醬濃郁微辣，包住牛柳同薯仔，每啖都有肉香、薯香同黑椒香，層次豐富。