影片
更多
2023-09-14
1279 浏览
九龍城中菜館有好多選擇，這家位於衙前圍道既「 豪門小菜火鍋 」一直人氣爆燈，今日去到全場滿座，氣氛超好，大部份客人一邊飲啤酒一邊食小菜，大大聲傾偈，像大排檔搬咗入鋪一樣，超正👍🏻這裏獨家人氣菜式最吸引，例如招牌西澳龍蝦伊麵、自家製豪門卷、二層脆豆腐、香脆酥炸牛坑腩、馳名香草羊架、剁椒蒸大魚頭、油浸笋殼魚、大量海鮮、小炒等，非常有特色😋🦞▪️招牌西澳龍蝦伊麵 $ 480喺呢度係必食推介，喺門口已經見到生猛既龍蝦喺度扎扎跳，即叫即劏，口味可選擇上湯或芝士，我身為芝士控別無他選，龍蝦伊麵一上枱就比佢嘅份量嚇親，大碟到呢，濃濃既芝士汁掩蓋住整碟伊麵，龍蝦肉超級新鮮，大大件，爽口又彈牙，伊麵每一條都掛上芝士汁，好食到完全停唔到口🦐▪️自家製豪門卷(8件） $98用壓薄咗嘅麵包住嚟自家製手打蝦膠和芫荽，上枱時買相靚靚，外層麵包部份超級香脆，然後是蝦膠部份好彈牙充滿濃濃蝦味，最後就係我喜歡嘅芫荽，沾上甜酸汁，香口好味🌟▪️蒜茸粉絲蒸扇貝（4隻起）$ 180元貝超級巨型，大隻又新鮮，蒸得剛剛好，配合蒜蓉粉絲、香蔥、淋上豉油熟油，好鮮味，而且$45一隻實在太抵食🦑▪️XO醬炒西蘭花鮮魷 $128 鑊氣之選，食小
「 豪門小菜火鍋 」一直人氣爆燈，今日去到全場滿座，氣氛超好，大部份客人一邊飲啤酒一邊食小菜，大大聲傾偈，像大排檔搬咗入鋪一樣，超正👍🏻
這裏獨家人氣菜式最吸引，例如招牌西澳龍蝦伊麵、自家製豪門卷、二層脆豆腐、香脆酥炸牛坑腩、馳名香草羊架、剁椒蒸大魚頭、油浸笋殼魚、大量海鮮、小炒等，非常有特色😋
🦞▪️招牌西澳龍蝦伊麵 $ 480
喺呢度係必食推介，喺門口已經見到生猛既龍蝦喺度扎扎跳，即叫即劏，口味可選擇上湯或芝士，我身為芝士控別無他選，龍蝦伊麵一上枱就比佢嘅份量嚇親，大碟到呢，濃濃既芝士汁掩蓋住整碟伊麵，龍蝦肉超級新鮮，大大件，爽口又彈牙，伊麵每一條都掛上芝士汁，好食到完全停唔到口
🦐▪️自家製豪門卷(8件） $98
用壓薄咗嘅麵包住嚟自家製手打蝦膠和芫荽，上枱時買相靚靚，外層麵包部份超級香脆，然後是蝦膠部份好彈牙充滿濃濃蝦味，最後就係我喜歡嘅芫荽，沾上甜酸汁，香口好味
🌟▪️蒜茸粉絲蒸扇貝（4隻起）$ 180
元貝超級巨型，大隻又新鮮，蒸得剛剛好，配合蒜蓉粉絲、香蔥、淋上豉油熟油，好鮮味，而且$45一隻實在太抵食
🦑▪️XO醬炒西蘭花鮮魷 $128
鑊氣之選，食小炒一定要叫條菜，這個西蘭花用上XO醬非常惹味，鮮魷魚新鮮又夠爽脆👍🏻
🍲▪️蟲草花燉花膠雞$ 58
足料之燉湯，清甜味濃，落足心機燉足好多個鐘，喜歡飲湯嘅朋友絕對唔可以錯過
张贴
