影片
以上资料只供参考，请与餐厅确认详情
谂起九龙城唔一定只系得泰国菜想食镬气小炒亦都唔一定只有庙街九龙城衙前塱道、宋皇台站B3出口行两分钟转角就黎到呢间中菜馆(推～！)全场目测一律食广东镬气小炒！每道菜式价钱超级贴地兼且无加一服务费茶芥、抵食到癫叫得抵食唔系只讲价钱啦碟碟都份量够哂多又有镬气呢间广东小炒都算系私心推介望大家多多帮衬～等佢继续做落去～♡ .ᐟ.ᐟ .𖥧𖧧 芝麻炸子鸡 $198/半只必点呀！正过喺平时中式酒楼order嘅炸子鸡鸡皮炸得超香脆忍唔住清哂肉质更加唔使讲嫩滑得来有鸡味之余仲好多汁配埋黑白芝麻卖相更加靓 ♡♡（注意而家出面食饭真系唔一定有鸡味咖）.𖥧𖧧 菠萝炸大肠 $118份量可谓不计成本第一大肠洗得干净好重要事前功夫准备充足兼卫生第二炸得香脆又唔油腻～配搭啤酒一流.𖥧𖧧 人生之路（咕噜苦瓜） $88呢个又俾佢谂到㖞咕噜带甜酸、加埋红椒取其辣度苦瓜自然就系苦既代表一齐食百感交集～创意之作👍🏼💯.𖥧𖧧 椒盐粟米 $88 细心之处来自每件粟米🌽大小非常适中粟米自带甜味～能够同椒盐味配合得天衣无缝份量同样值得称赞.𖥧𖧧 千岛酱虾球 $148惊喜系有西兰花垫底～仲有卖相㗎虾球件件大大只新鲜爽口千岛酱份量啱啱好食落唔会怕肥腻如果有小朋友同行（估计好适合佢地）.𖥧𖧧 芝士龙虾伊面 $490餐厅表示呢道系招牌菜（而我内心表示道道菜式都出色都可以成为招牌）首先龙虾份量好足够爽口弹牙既肉质配上芝士增加嫩滑度配搭伊面都系不二之选芝士汁多到make sure每啖都要芝味十足份量好多提议三四五位一齐食！.𖥧𖧧 潮式秘制蛳蚶 $128虽然我就唔敢试RN表示好够鲜味～仲系第一次自己即开即食！.𖥧𖧧 烧汁安格斯牛柳粒 $188 牛柳粒份量不少 略嫌比较肥美仲有好多西芹 炒起好有镬气我反而觉得最出色系超腍入晒味嘅薯仔💕.𖥧𖧧 雪花炒米粉 $98 黎得镬气小炒又点少得整番份炒米粉/豉油王炒面雪花炒米粉个名几特别原来系用蛋白、瑶柱丝炒炒得好干身！咁啱餐厅都接近收炉多谢大厨炒埋我哋最后一碟嘅米粉 ෆ.九龙城以前俾人感觉交通唔方便但自从有咗港铁到宋王台站之后吸引咗好多人但大家焦点可能都系文青Cafe或者泰国菜如果细心留意就会发现好多宝藏餐厅等待你发掘
继续阅读
去九龙城唔一定要食泰菜今日等史努比介绍间大件夹抵食嘅港式小菜~懒人包📝食物款式多 而且大部份都唔错虽然称唔想话好正 但史努比试咗咁多款都冇话觉得伏 系偏油咗啲 不过呢个价钱ok收货嘅😚嗌墙上面写住嘅招牌菜都应该冇死架啦🤣加上佢唔使加一 食得舒服 好啱同一大班frd gathering或者同长辈食饭~个人觉得一试无妨😚🔥推荐芝士龙虾伊面👍🏿芝士龙虾伊面 $490份量好足😳4个人净系食佢都够饱😂芝士汁爆晒棚 仲要味道浓郁食落都几黏口🤣同埋够creamy 伊面有𡁻口 唔会煮到淋晒要挑剔嘅系略嫌油咗啲啲🤏🏿龙虾实肉弹牙 食到有少少甜味 正常发挥味道: 8/10性价比: 7.5/10👍🏿蛏子生菜包 $168都几辣下 但真系好惹味🤣蛏子份量唔算特别多 有几条完整嘅 有啲就剪碎咗捞埋免治猪肉去炒猪肉好淋 有油香食落味道几香 有干葱增加口感不过如果冇芫荽就更加好😂同埋都系油咗少少 但包生菜就啱晒啦🤪味道: 7.5/10性价比: 7/10👍🏿豪门卷(8件) $98系炸包包住虾咁样 中间仲有啲葱食落脆得来嚟带啲烟靭 摆耐咗都唔会淋晒🤣👍🏿虾就普通啦 包住啲葱有香味另外配咗泰式甜辣酱 不过史努比觉得唔点好食啲味道: 7/10性价比: 7.5/10👍🏿千岛百花盏鬼 $118呢个系油炸鬼包虾😂炸得好脆 食到油炸鬼一层层layer但可惜食唔到油炸鬼本身嘅香气包住虾滑系几得意嘅 加埋千岛酱真系好鬼邪恶😈同埋好惹味!底下垫咗啲西兰花 解解腻🤣味道: 7/10性价比: 7/10👌🏿椒盐鲜鱿 $128份量真系好足!!😳而且条条鱿鱼都劲大条食落仲要好弹牙 有咬口得嚟唔系硬佢个炸浆做到好薄 最可惜就系佢唔脆🥲搞到就算佢鱿鱼几靓都即刻拉低咗个分但爸爸竟然话唔脆嘅椒盐鲜鱿好好食🤷🏿♀️味道: 6.5/10性价比: 7/10👌🏿人生之路(咕噜苦瓜) $88唔明佢点解改呢个名 因为人生好苦🥹不过佢用咗酸酸甜甜嘅咕噜肉做法😂所以真系体现人生嘅甜酸苦辣 个名史努比觉得改得好🤣🤣酸酸甜甜嘅炸苦瓜系几得意嘅 但就唔系我哋杯茶🙂↕️感觉唔系咁夹味道: 6.5/10性价比: 7.5/10*不设加一服务费*整体评分：味道: 7.1/10环境: 7/10服务: 7/10卫生: 7.3/10抵食: 7.5/10(品牌合作分享)@snoopy._.eating
继续阅读
-豪门小菜火锅 🍲天气一转凉就想去食大排档食镬气小炒同羊腩煲位于九龙城衙前围道有间好地道小炒店除左有手工家常菜之外 亦会有新派菜式 仲几有惊喜!而且价钱亲民贴地 无加一服务费同茶芥 份量好充足🐑羊腩煲 ($988/4-6人份)选用本地牛腩 大大旧 口感香腍爽口仲好入味 无乜味精 可以连汤都好饮 唔口渴 连埋其他配料如枝竹/ 脆嫩冬笋 / 爽口马蹄 / 慈姑 / 腐皮 / 生菜再点埋柠檬草腐乳 个酱汁真心出色 大满足!🐣云吞鸡煲翅 ($388)份量丰富 约有半只鲜鸡件 够晒4个人食 肉质嫩滑肥美另外汤头仲好浓郁 带有啖啖奶香味仲有粒粒足料爆馅云吞 食完够晒暖胃✨🦞四式芝士西澳龙虾伊面 ($480/3-4位用）传统芝士焗龙虾伊面既做法 并选用西澳龙虾肉质饱满细嫩 口感滑脆弹牙 加上配搭3种芝士同牛油特制成浓稠酱汁 连埋伊面一齐食 挂汁得黎又带点咸香味🦐胡椒虾 ($138)虾肉只只都好大只又新鲜 胡椒味够多 岩晒重口味人士!🐟姜葱爆鳝球 ($148)选用肥美白鳝 肉质弹牙 用姜葱爆炒 食落香口惹味🐟顺德焗鱼肠 ($88)焗鱼肠都系第一次食 食落有d似蒸水蛋整体焗得几干身 所以鱼味相当之重 如果本身食唔到鱼既人应该就未必食得到🦪生腌蛳蚶 ($98)之前系汕尾食过一次后有点怕怕系同行朋友极力推荐下 再度鼓气勇气去试呢度既的确系几新鲜 爽嫩肥美 连埋蒜泥米醋食 更为鲜美🍚生炒糯米饭除左羊腩煲之外 冬天最中意就系食生炒糯米饭一上枱就已经香气四溢 而且煮得口感软糯又粒粒分明🦐自家制豪门卷 ($98/8件)系类似虾多士咁 用面包糠皮炸到香脆 而里面塞满手打虾胶墨鱼胶 食落弹牙 鲜美 蘸埋泰式酸辣酱食 完全唔油腻👻千岛酱百花盏鬼 ($108)好特别创新既菜式 - 系以虾胶酿入油炸鬼 点少少千岛酱 食落酸酸甜甜又酥脆🥘人生之路 ($98) 必食!! 系餐厅老板既自创菜式 - 咕噜凉瓜因为食落酸甜后苦甘 犹如人生之路写照爽口得黎唔怕苦涩 会忍唔住一条接一条咁食估唔到而家食个小炒都咁有深度~~
继续阅读
平时去开九龙城都系食泰国菜，最近朋友反而介绍我去食中式小菜，仲话一定会有惊喜㖭啊。我自己就钟意食海鲜，同我叫几碟海鲜试吓先。芝士龙虾伊面见到一大盘嘅浓郁黄色其实就系芝士，入面放咗超足料嘅龙虾。龙虾肉质够晒弹牙，配搭咸香嘅芝士味道就会更加鲜甜。蒜蓉蒸蛏子是日新鲜蛏子王，清洗干净之后同蒜蓉一齐清蒸，圣子食落去完全唔会有沙，味道亦都够鲜甜。蛳蚶生腌嘅蛳蚶对食材本身嘅新鲜度有好高嘅要求，食落完全唔会有腥味，仲有辣香嘅味道。蚝仔粥新鲜饱满嘅蚝配搭煮到糜烂嘅粥底，每一啖都系蚝仔嘅鲜味。蒜蓉蒸扇贝同样系新鲜又大只嘅扇贝，简单蒸煮一下就已经好好味。豪门小菜火锅 (九龙城)九龙城衙前塱道22号地舖
继续阅读
今次同屋企人嚟到九龙城食小菜晚饭有好多菜式选择小炒有镬气，海鲜亦新鲜仲有佢哋自创嘅豪门卷，有啲似虾多士，口感几有趣重点系芝士龙虾伊面🦞满满嘅芝士铺满咗龙虾同伊面龙虾亦都新鲜弹牙，配埋芝士一流伊面吸晒啲芝士汁，每一啖都有芝士味
继续阅读
您可能会有兴趣的...