訂了位 7:00 晚餐, 我們準時到達, 侍應安排我們坐鐵板台, 氣氛不錯, 面對師傅煎煮.
店長推介: 日式和牛海鮮套餐 (原價 $1,199-) 現做優惠價 $799-/p
每兩位消費滿 $1,500- 奉送烤龍蝦一隻, 四位 送兩隻, 超抵食.
先來熱熱綠茶及頭盤, 時令沙律.
有車厘茄, 火箭菜, 青瓜, 十分新鮮, 配合和麻醬及沙律醋, 口感清爽開胃.
茶碗蒸 蒸蛋添加了菇菌, 蟹柳及素翅, 口感更豐富, 糖心蒸蛋, 滑得溜口, 好 一個日式風味小吃.
吃鐵板燒, 少不了飲酒. 我們 分別 叫了 梅酒, 酒質淡麗清醇,口感輕快柔滑.
朋友叫了白酒, 大家愉快先碰杯.
看著師傅細心烹調, 我們更感肚餓
虎蝦銀鱈魚 送上, 香噴噴! 組合好吸引. 醬汁及 魚子加添藝術性.
虎蝦踏上銀鱈魚, 先品嘗烤虎蝦, 蝦肉爽口彈牙, 肉質嫩滑.
香煎銀鱈魚, 煎得外脆內嫩, 銀鱈魚質素高, 肉質滑又有鮮味. 伴上魚子更可口.
下一個 燒海鮮 好精采, 龍蝦拚鮑魚.
龍蝦拆了肉每人半隻, 火喉燒得岩岩好, 龍蝦肉鮮甜彈牙, 伴著金黃色的龍蝦膏, 好有品味. 色香味齊.
鮑魚好稔滑, 燒得剛剛好, 唔會韌沒有乾身, 切開 ３ 件, 細細品嘗, 肉質彈牙味鮮甜, 滿意.
鵝肝黑魚子, 擺碟好靚, 富藝術感, 鵝肝煎至金黃色, 鋪上矜貴的黑魚子, 底層糸烘多士, 伴有龍珠果.
鵝肝黑魚子, 甘香而邪惡, 吃得精采.
日本A5和牛薄燒, 香煎野菜.
A5 和牛片, 捲入餡料 再煎香, 好有廚藝. 伴碟的香煎野菜, 有日本南瓜, 紅椒, 蕃薯, 炸蒜片. 加上調味料岩鹽及醬汁, 及蔥花, 擺碟顏色也吸引.
和牛卷物內含炸蒜粒, 櫻花蝦, 及蔥花, 和牛肉質嫩滑富肉香, 口感香濃清爽, 越食越愛. 香煎野菜, 減低油膩感, 真好食.
汁物, 味噌湯加上豆腐海帶, 味道濃郁, 健康又暖胃.
蟹肉炒飯 甘筍粒, 櫻花蝦, 再加上雞蛋, 炒至顏色金黃, 吃起來有鑊氣, 炒飯用日本珍珠米, 不油膩, 實在滋味.
最後師傅在鐵板製作 梳乎厘雪糕, 梳乎厘在鐵板製作真係很考功夫. 師傅好細心,
梳乎厘口感輕盈鬆軟, 伴上 雪糕及紅豆不太甜, 極好吃.
大家都喜歡這個 鐵板燒套餐, 夠新鮮, 食材豐富, 擺碟有藝術感 價錢抵食, 師傅服務貼心, 值得推介.
