究極堂 (永光中心)

营业中

休息中

今日Happy Friday約咗個同事一齊食lunch，去左登龍街嗰邊，不嬲條街餐廳多，不過就好少去樓上食，今次揀咗間日本餐廳喺永光中心晏晝唔算好多人，可能因為樓上鋪有午市套餐，包括海鮮丼、定食同蛋包飯等，睇落吸引，我揀咗火炙壽司配烏冬，同事就揀咗究極丼，另外再叫兩個小食炸日本魷魚鬚平時好鍾意去酒樓食炸魷魚鬚，今次試吓日式，佢個皮一啲都唔厚粉，外脆內軟，入口鬆化，真係堅好食，不過要趁熱食，係小食的首選。美林雞泡魚乾呢個都幾有驚喜，佢咬落幾煙靭，配埋個蛋黃醬好match，yummy火炙壽司拼盤配烏冬火炙壽司有超長鰻魚、吞拿魚、蝦、三文魚等，啲飯本身已經有鹹味，壽司入口即溶，好新鮮，配埋沙律同烏冬，食完壽司都飽咗七成，食唔晒d烏冬究極丼呢個係招牌菜，梗係一定要叫啦，魚生飯賣相已經非常吸引，裏面有三文魚、吞拿魚、海膽、魚子、帆立貝、虎蝦刺身，超新鮮，見到都流晒口水，魚生入口即溶，鮮甜美味，配上麵豉湯，沙津同生雞蛋，不過同事唔食海膽，所以就俾咗我食，食落一啲都唔腥唔苦，超正總括嚟講，嘢食係幾高質，好滿足，一頓令人回味無窮的午餐，下次一定要再嚟