究極堂 (永光中心)

早排出咗銅鑼灣食廚師發板，今日又再過嚟銅鑼灣食日本嘢，不過，簡簡單單同朋友上居酒屋「究極堂」食個丼飯午餐而已。朋友話炮台山都有分店，至於呢家銅鑼灣分店小弟都喺第一次到訪。整個地方唔算大，但環境裝修都好居酒屋格局，環境昏昏暗暗，天花掛上好多和式燈籠，好有深夜食堂嘅感覺，近門口嘅另一邊更可以間為廂房，適合一班人搞飯局，同店員傾開，原來炮台山分店亦有廂房。基本上是日所見都坐滿人，剛好最入嘅吧枱仍有位，唔使等！午市主要喺賣套餐，慳慳哋嘅有蛋包飯、牛肉丼、烏冬……之類，豪啲嘅有刺身丼、刺身定食、壽司定食……之類，正所謂豐儉由人:)。此外，散點餐牌嘅食物亦會全數供應。帶子他他 $38先試試店家嘅炸物，餐牌圖文並茂，見呢一款帶子他他賣相靚仔，就揀咗佢。外層脆漿唔算厚，最緊要喺做到脆而不膩，啲帶子好鮮甜，襯埋啲他他醬，加上三文魚籽，真喺相得益彰。韓式泡菜章魚玉子燒 $78玉子燒似乎喺店家受歡迎嘅菜式，見有唔少客都有點，玉子燒可揀明太子芝士或泡菜章魚，選後者因為未試過咁嘅組合。首先蛋卷嫩滑而富濃郁蛋香，裡面捲住好多泡菜，頗為惹味，加上極具咬口嘅章魚，增加點點海鮮味道。究極丼 $208朋友話辛苦搵嚟志在食，所以，奢華少少嗌咗個「究極丼」，可惜喺海膽剛無貨，但會用番時令刺身補上。睇見份丼真喺好吸引，有帶子、三文魚籽、炙燒左口魚、油甘魚、三文魚、赤身、拖羅蓉、大赤蝦，仲搭上一隻蛋香十足嘅蘭王蛋，外觀非常吸晴。佢話啲刺身好新鮮，味道鮮甜，每款刺身都超好食，真喺無咩挑剔位，夠晒足料，物超所值。究極炎之丼 $128而小弟嘅炎之丼跟朋友嘅差唔多，當然，用料無佢嗰個咁高檔，但一啲都唔失禮，有左口魚、黑鯥、甜蝦、吞拿魚蓉、油甘同帶子，全部都炙燒過，入口帶點點焦香感，同樣食得出食材新鮮，又能一次過試到多款刺身。此外，所有定食都包埋田園沙律同麵豉湯，以一頓午餐而言，已喺豐富至極。成日都講，只要做出水準，不愁無客，兩個丼都食得出用料不賴，所以，午市基本上都可以講全場滿座！…查看更多

永光中心11樓全層，環境清靜舒適🥢究極丼 – 海膽、帶子、三文魚、三文魚籽、吞拿魚、蝦、生蛋海膽金黃細膩，入口即溶，三文魚油花分佈勻稱，橙色肉身油潤滑溜，食落有陣陣魚油香。吞拿魚切成厚厚赤身，肉質細膩，魚味濃郁，加份生飛蛋，拌勻飯同刺身一齊食，將全部鮮味同蛋香完美融合🥢4重芝士炸蝦卷外層酥脆，再嚟係彈牙炸蝦，蝦肉鮮甜，壽司飯粒粒分明又唔會太軟。芝士味道層次豐富，有鹹香、有奶香，唔會搶走蝦味，反而令成個卷口感更creamy更濃郁🥢秘製蕃茄汁 - 蒜香虎蝦配蒜蓉法包蝦身煎到微焦，肉質厚身彈牙。秘製蕃茄汁酸甜開胃，帶微微蒜香同香草氣息，完全冇搶去蝦嘅鮮味，反而更加突出蝦肉鮮甜。法包切片烘到脆卜卜，香味濃郁。拎塊法包蘸啲蕃茄汁同埋蝦肉一齊食，層次豐富🥢鰻魚芝士玉子燒鰻魚入口即化，魚味香濃，帶少少煙燻香。芝士溶晒喺蛋同鰻魚之間，鹹香同奶香交織，食落去有拉絲效果又唔膩口。三種味道融合得恰到好處，鹹甜適中🥢抹茶牛奶(紅豆)抹茶味道濃郁，帶微微甘苦，牛奶令成杯飲品變得順滑香濃，唔會太甜。紅豆煮得腍身又保留口感，粒粒分明🥢紅柚檸檬酸酒 – 無酒精飲落去清新酸甜，紅柚味清香、帶微微果肉纖維，檸檬酸味醒神，令成杯飲品好refresh…查看更多

今日試左一間喺銅鑼灣區性價比好高嘅日本餐廳，叫究極堂。芝麻雞翼2隻 （$38）上枱雞翼熱辣辣，外皮炸得好香脆但唔算好油，咬落去雞肉仲好嫰滑，充滿肉汁，送啤酒一流。燒油甘魚鮫 （$98）因為鍾意食燒魚但驚左食落有好多細條魚骨，所以見到有燒魚鮫就即刻叫左嚟試下。呢份燒油甘魚鮫魚皮燒得好脆，魚肉就一啲都唔乾，好有魚油香，最緊要係冇咩骨。濃湯蕃茄咖哩牛肉烏冬 （$78）蕃茄湯底足料鮮甜，食到有好多茄肉喺湯入面，同埋個湯底都幾杰身，令到每條烏冬夾上嚟食嗰陣都好掛湯，牛肉係類似肥牛，用左日式咖哩都煮，所以整體食落係唔辣而偏向有少少甜味，同埋碗烏冬同肉嘅份量都好多，同朋友share嚟食會啱啲。究極炎之丼 （$138）因為我地坐bar枱，個丼飯未上枱嗰陣已經聞到炙燒嘅香味，到食落口就覺得炙燒左帶子同蝦嘅生熟程度控制得剛剛好，唔會燒到過哂龍，配埋醋飯食係非常夾。油甘魚4切 （$68）4件魚肉都係厚切，非常新鮮肥美，果然7月食油甘魚係perfect timing。4重芝士炸蝦卷 （$48）有三件，外面嘅飯好軟熟，包住新鮮炸起嘅蝦，配埋經炙燒過的四重芝士，口感層次顯得更加分明。Orion生啤 ($78) 買一送一睇Menu嗰陣見到啤酒全日有買一送一優惠，所以即刻叫左嚟飲，食住日本野飲冰凍嘅日本啤酒，真係最夾。…查看更多

環境5分：樓上日式居酒屋格局，吧枱前面有好多公仔勁cutie，散枱整齊闊落又唔迫，入面仲有間VIP房，原來炮台山分店都一樣有，背景播住D日文歌好輕鬆，格調好好，可以畀五分。衛生5分：室內地方同後樓梯廁所都好乾淨企理，衛生一樣畀五分。服務 5分：未落單先有熱茶飲，侍應生好好心機介紹Asahi Sour有不同水果味，落單上菜快捷爽手，效率高，服務滿分。味道5分：1)   Asahi Sour個果香好出，有酒精畀大人，無酒精畀細佬，係人都啱飲。2)    Orion生啤全天買一送一，細啤清爽解渴。3)    油甘魚刺身一客四件，非常厚切，師傅絕不姑寒，好肥好爽。4)    究極丼入面有齊三文魚，油甘魚，帶子，魚籽，海膽，蝦，吞拿魚蓉，燒左口魚邊，炸紫菜，望落非常震撼，另跟特製紫菜蛋醬，好足料，又有層次。5)    炸半熟玉子外表好脆，蛋白好彈牙，半熟蛋黃好潤，伴隨粉紅色嘅鹽夠簡單，少少就已經吊到味。6)    天使蝦連殼都可以食得落肚，脆卜卜，好香口惹味，師傅好功夫冇炸過濃。7)    自家製炸雞伴洋蔥沙律啲洋蔥好爽好多汁，炸雞全部冇骨，外脆內嫩。抵食5分：每人三百幾蚊有酒飲有魚生炸物食，豐富飽肚，有好歌聽，抵食滿分。…查看更多

📍究極堂 (銅鑼灣)銅鑼灣登龍街28號永光中心11樓高質感而且環境優雅的日式居酒屋✨半熟玉子半熟玉子外層炸至金黃酥脆，流心蛋黃搭配少許鹽，簡單美味。✨蟹膏豆腐鱈魚乾 蟹膏豆腐滑嫩口感配上既薄又脆鱈魚乾，口感極佳。✨迷你三色丼有蟹肉櫻花蝦丼、海膽三文魚籽丼、吞拿魚蓉丼。-蟹肉櫻花蝦丼蟹肉鮮甜與櫻花蝦的獨特風味-海膽三文魚籽丼海膽滑順與三文魚籽完美結合-吞拿魚蓉丼新鮮吞拿魚蓉，配醬油蛋增添鮮味。這三款丼飯不僅食材新鮮，而且擺盤精緻。✨究極丼絕對是豐盛的刺身丼，有兩大片厚切三文魚、2件大赤蝦、帶子、油甘魚、三文魚籽、海膽、香蔥吞拿魚腩蓉、紫菜天婦羅，食材新鮮，加上日本醬油蛋拌飯，回味無窮。這兩款丼飯，絕對是必食推介！✨蜜柑芭菲蜜柑芭菲清新的酸甜口感，特別適合炎炎夏日，既開胃又解膩，為這餐畫上完美句號。CP值極高，食材新鮮，食物種類多樣化，有刺身、丼飯、壽司、Pizza，牛扒 ，絕對值得一試！————————————————————整體用餐體驗✨味道(4/5)✨環境(4/5)✨服務(3/5)✨性價比(4/5) …查看更多

位於銅鑼灣 餐廳裝修以灰色為主調🩶配合武士元素 營造日式武士風情嘅氛圍🥷🍴主打嘅係日式西餐同特色日式料理 適合同朋友或者家人聚會🎈 另外如果人多👦🏻👧🏻👩🏻👨🏻可以預約銅鑼灣或炮台山分店嘅VIP房 空間寬敞舒適👍🏻·`♡·蝦天婦羅🍤炸得金黃爽脆 身鮮甜彈牙 有埋香鹹嘅粉鹽襯托味道 食起上嚟好滿足·`♡· 三文魚腩+帆立貝刺身🥢三文魚腩刺身魚肉厚身滑嫩 入口即化 好鮮甜🥢帆立貝刺身晶瑩剔透 質感爽滑甘甜 配埋紫蘇花同芥末 口感清新又提味·`♡·明太子玉子燒🥚蛋香濃郁 表面鋪滿咗橙紅色嘅明太子魚卵同淋上微辣嘅美乃滋醬 蛋卷質地軟嫩 一口咬落去滑溜又帶微微鹹鮮💯·`♡·牛肉壽喜燒🍲肉質嫩滑 切得薄而均勻 令牛肉容易吸收甜鹹嘅壽喜燒醬汁 底下有粉絲、金針菇、白菜、蘿蔔同香菇 帶出清甜層次 隔離有生雞蛋可以沾著牛肉片一起食 非常滋味又暖胃·`♡·避風塘炒枝豆睇落綠油油好新鮮💚上面鋪咗香脆嘅蒜蓉 炒得微微焦香 蒜香味十足 非常惹味·`♡·燒鱈魚乾燒鱈魚乾片片金黃微焦 外皮脆卜卜 帶點咸香好惹味又開胃🤤·`♡·水蜜桃有氣果酒🍹味道清甜帶果香 氣泡細膩微帶刺激感 飲落清爽解膩 係一款好適合配搭重口味日式菜嘅清新飲品🍑✔️加一服務費…查看更多

朋友經常嚟呢間餐廳食飯本來我都半信半疑 係唔係真係咁好食呢度嘅魚生飯、玉子燒、炸物串燒都好出名經常中午都會滿座我揀咗呢款非常豐富嘅究極丼三文魚、油甘魚、帶子牡丹蝦、左口魚、海膽、拖羅蓉兩百多食到咁多料的丼飯真係好抵即刻-朋友揀咗呢款壽司定食三文魚子粒粒剔透赤海蝦肉質緊實 拖羅油脂豐富每件壽司都好新鮮-加上一杯荔枝檸檬酸酒食得特別開心朋友就揀咗紅豆抹茶牛奶💖-終於食到令我滿意嘅玉子燒啦內裏口感有種半熟的感覺加上鹹香的明太子係我心目中最好食嘅玉子燒之一揀咗帶子，炸串和牛油果雞肉炸串香港好少地方有呢種大阪關西風的炸串好好食呀 即叫即炸 又可以逐串嗌…查看更多

銅鑼灣究極堂 — 刺身飯大滿足（兩人晚餐心得）今次同老婆臨時想食啲好嘢，就上到銅鑼灣永光大廈11樓嘅究極堂。店鋪環境係偏居酒屋風，入面有吧枱亦有正常坐位，燈光唔會太暗，氣氛舒服唔迫。職員態度有禮貌，落單同上菜都幾快，座位間距合適，坐大枱或者吧枱都幾自在。我哋今次叫咗兩款刺身飯同一個熱食小食，仲配咗支札幌啤酒，整體好滿足，講下細節：究極丼（海鮮滿滿） — 必試第一碗就係究極丼，刀工同配料都令人驚喜。刺身切得夠厚，肥美嘅三文魚油花靚、帶子爽甜，油甘魚同其他生魚片都新鮮無腥。最吸睛係隻生蝦，上面仲有一坨超鮮味嘅蝦膏，一咬開即時爆鮮味，口感彈牙。海膽質感細滑唔苦，配埋一堆晶瑩嘅三文魚子同滑蛋（好似係日式蛋）拌飯簡直一流。飯量同配搭比例好，唔會淨係食到飯又唔夠料。整體我會畀個十分——出色嘅海味同視覺。究極炎之丼（火炙風味） — 香口有層次第二碗係火炙系列，師傅用火槍輕輕燒過刺身表面，帶出香氣同油脂味，配上店家特製醬汁，味道層次豐富。海鮮口感仍然保持鮮嫩，特別係蝦同三文魚，火香令整碗更有「食落去好有層次感」嘅感覺。細細缺點係如果鐘意食冷刺身嘅人可能會覺得火炙味重啲，但我哋就超鍾意。廣島蠔薯蓉（熱辣即上） — 驚喜小食另外嗌咗個廣島蠔薯蓉，上檯係熱辣辣嘅鐵板／小鑊，薯蓉香滑帶芝士，蠔夠鮮味同份量足，啱晒兩個人share。熱食同刺身成為好好嘅冷熱對比，配埋啤酒真係幾過癮。飲品同服務我哋叫咗支Sapporo啤酒，冰凍杯配生食／火炙飯真係match到爆。服務方面幾貼心，落單後菜上得快，店內環境企理。價錢究極丼 HK$218、究極炎之丼 HK$138、廣島蠔薯蓉 HK$108、Sapporo 334ml HK$48，連加一後兩個人食完大概 HK$563。以質素來講我覺得係值得。總結（值得再去）- 優點：刺身新鮮、切片夠厚、海膽／蝦膏／三文魚子表現好；火炙款有誠意；熱小食即場上味道好；環境舒服服務體貼。 - 建議：如果想食更平靜嘅氣氛可以避開繁忙時間、部分人可能會覺得火炙味偏重。 我同老婆都好滿意，決定下次再返嚟encore其他熟食同炸物。總體推薦比鍾意高質刺身飯、想試多款海鮮配搭嘅朋友。…查看更多

難得平日可以同屋企人午餐，想搵間有lunch set 嘅日本餐廳試下。見到究極堂係OpenRice 有好多好評，就去試吓啦。我哋4大2小，叫左4份午市定食，都包埋麵豉湯、沙律，亦都可以用優惠價加購魚生、小食。………………………………………………火炙壽司拼盤配烏冬 ⭐️⭐️⭐️⭐️有鰻魚、三文魚、帶子、蝦、左口魚邊等等嘅火炙壽司，味道正常。烏冬軟硬程度適中，味道正常。芝心吉列豬排蛋包飯 （咖哩汁） ⭐️⭐️⭐️蛋包飯個蛋好嫩滑，日式咖哩嚟講依個咖哩汁算偏辣，吉列豬排就麻麻地，整體味道一般。漢堡扒蛋包飯 （番茄汁） ⭐️⭐️⭐️蛋包飯個蛋好嫩滑，但係漢堡扒就好乾，整體味道一般。究極炎之丼⭐️⭐️⭐️配料有火炙過嘅帶子、蝦、左口魚邊、油甘魚、吞拿魚蓉等，飯底加咗醋同埋少許嘅飯素。面頭仲有一層奶白色嘅醬，食落似蒜蓉醬，另外亦都有一啲炸蒜粒。其實頭幾啖幾好味，不過食多幾啖就開始覺得，好似成個丼飯都係同一隻醬嘅味道，而且仲蓋過魚生本身嘅鮮味。越食越覺得麻麻哋。三文魚（2片） ⭐️⭐️⭐️⭐️優惠價$16 加購左2片三文魚刺生，幾肥美新鮮，性價比唔錯。………………………………………………究極堂嘅午市定食其實價錢唔貴，而且魚生質素都唔錯，各樣食物賣相亦都唔錯，但係整體味道，我覺得究極堂真係只係達到”ok 啦” 嘅水平。…查看更多

呢間日本嘢真係好好食，星期日去都幾爆場4重芝士炸蝦卷炸蝦卷真係有誠意，上面嘅芝士有小小沽，有燒過嘅香味，炸蝦就算放耐咗都唔會淋，脆卜卜。炙燒黑松露燒帆立貝壽司帆立貝壽司，配黑松露醬真係冇得頂，又係有燒過嘅香味，啱啱好。炙燒海膽醬燒赤蝦壽司赤蝦配海膽醬都幾夾，冇咁單調。三文魚腩壽司三文魚腩都好厚肉，朋友覺得好好食。明太子芝士玉子燒勁多芝士，可以拉絲，仲有明太子醬喺面頭。玉子都好呀，同平時食開嘅玉子燒嗰種硬硬地嘅口感唔一樣。清酒煮蜆勁多蜆，勁抵食，每隻蜆都係冇沙，清甜。佢配埋嘅湯我都飲晒，冇味精唔口渴。薯蓉廣島蠔呢個真係勁邪惡，超多薯蓉配埋芝士，仲要焗過，一啖只一啖。好嘅份量都有好多隻，勁抵食。蟹膏豆腐鱈魚乾呢個配酒一流，鱈魚乾脆脆地，仲有豐富嘅蟹膏，店員會溫馨提示盡快食。淡雪塩黑醋鵝肝多士呢個又係超級邪惡，鵝肝勁大塊，整得啱啱好，勁Juice。配埋黑醋汁冇得頂。荔枝 -檸檬酸酒士多啤梨-檸檬酸酒同朋友嗌咗兩杯飲，一杯揀咗有酒精，一杯冇酒精，強烈推薦荔枝。…查看更多

今日慶功，去咗銅鑼灣一間樓上嘅日本居酒屋，聽聞佢哋嘅食物質素好高。今次我哋叫咗幾樣小食、刺身同埋主食，仲有幾杯特飲，真係食到好滿足！一入到居酒屋，首先就被佢嘅氛圍吸引。裝修風格好有日式情調，燈光柔和，令人感覺好舒服，完全可以放鬆心情。座位方面間隔得宜，唔會覺得擠迫，適合同朋友聚餐。服務員態度都幾友善，落單時好有耐心，仲會推薦啲人氣菜式，真係幾貼心。我哋首先叫咗幾個小食，包括蟹膏豆腐、鱈魚乾、芥辣八爪魚同清酒煮蜆。蟹膏豆腐質地滑溜，蟹膏味道濃郁，搭配上豆腐的清香，食落去真係好開心。而鱈魚乾就有啲鹹香，適合配酒嚟食，真係好正！芥辣八爪魚味道獨特，微辣又帶啲酸，食落去好開胃。清酒煮蜆就更加驚喜，蜆肉鮮甜，湯底清爽。講到刺身，今次叫咗三文魚（4切）同油甘魚（4切）。三文魚新鮮，肉質滑嫩，口感極佳，而油甘魚則更加鮮甜，真係好享受！每一片刺身都切得好厚，吃到好滿足！另外，仲有炙燒原條海鰻壽司同炙燒芝士鰻魚醬司，呢啲壽司真係唔可以錯過！炙燒嘅海鰻味道香濃，芝士醬配得恰到好處，食落去每一口都充滿驚喜，真係好味！主食方面，我哋叫咗究極炎之丼，入面有好多件魚生，真係好豐富！米飯煮得剛剛好，搭配上新鮮嘅魚生，整個味道層次分明，食落去真係好滿足，完全唔會覺得膩。最後，飲品方面我哋叫咗兩杯荔枝檸檬酸酒同百香果檸檬酸酒。荔枝檸檬酸酒味道清新，甜而不膩，而百香果檸檬酸酒就更加特別，酸酸甜甜，飲落去超爽口，真係解膩之選！無論係小食、刺身定主食都好好味，價錢亦算合理！我下次一定會再返嚟，試下其他菜式，真係好期待！如果你想搵個地方食晚餐，呢度絕對係個好選擇，食過唔會後悔！…查看更多

今日係黑雨，唔洗番工😝，落波後夜晚黎到銅鑼灣永光中心，11樓黎到呢間日式居酒屋🏮，有炮台山分店，裝修優雅、有包廂，適合一大班朋友聚會，安靜環境適合交談✌🏻👍🏻👾其實我係食過北角分店，d壽司真係幾靚仔😍😝 令我念念不忘，好想再食🥲😌壽司🍣：三文魚、油甘魚、魚子醬赤蝦、赤身、炙燒明太子三文魚、炙熱右口魚邊醬油漬呢度嘅壽司都一樣靚仔😙 油光閃閃發光，魚生好肥美，油脂分泌剛剛好，入口即溶🥰海膽右口魚邊蝦卷、醬燒三文魚炸蝦卷：好肥美嘅魚生😚 右口魚邊係我覺得最滿足最肥美嘅魚、配上海膽真係難以抗拒😍 三文魚配炸蝦，又係好正🤪 香蒜燒三文魚好惹味😉蔥花碎吞拿魚腩卷：紫菜卷物配吞拿魚蓉，爽啊😙究極丼：有海膽、蔥花吞拿魚蓉、三文魚子、右口魚邊、帶子、油甘魚、三文魚、紫菜脆脆、赤蝦、蛋黃。好正！好多料，超豐富，好食🤤菠蘿🍍、柑橘🍊梳打：好大杯，d汽又唔會太勁，好解渴，抵飲😙呢間餐廳不時有d特色Menu、優惠，飲品又多選擇，環境又有氣氛😚、適合同朋友傾計💬…查看更多

居酒屋嘅環境真係好有日本feel！一入門口就見到滿滿嘅日式燈籠同木系裝修仲播住J-Pop，即刻好似飛咗去東京咁🇯🇵座位有吧枱同包房 同普通位雖然地方唔算大，但勝在夠晒有氣氛好適合同朋友傾偈飲酒🍶服務絕對係加分位！店員好有heart會主動介紹清酒同打卡位，仲會同客人吹下水但又唔會太hard sell明太子芝士玉子烧    -蛋香超濃又滑溜，中間流心芝士夾住鹹香明太子，仲有啲微辣後勁，口感層次勁豐富！玉子燒煎得啱啱好，外層微焦，入面保持濕潤哋，熱辣辣上枱仲會拉絲荔枝-檸檬酸酒    -荔枝嘅香甜同檸檬嘅清新完美碰撞，酸酸甜甜好開胃！酒底用咗燒酎做base，夠晒爽口但唔會太烈仲有粒粒荔枝肉增加口感菠蘿-檸檬酸酒    -啜落去先係酸甜菠蘿味爆出跟住檸檬嘅清新先至追上嚟，仲有陣陣薄荷尾韻真鯛薄切（8切）    -鯛魚肉質爽甜帶微微黏口，點埋酸汁蘿蔔蓉 鮮味即刻爆升 油香同清爽口感雙重享受黑松露牛油果软壳蟹卷    -脆炸软壳蟹嘅油香同牛油果嘅creamy撞到正仲要爆多阵黑松露嘅奢华香气甜蝦唐揚    -🦐 原隻甜蝦連殼炸到金黃，咬落 咔嚓 聲蝦肉依然爆汁彈牙，鮮甜到不得了秘製椒鹽粉帶微微蒜香，送酒一絕🍶！最正係連蝦頭都炸到酥脆，成隻食晒唔浪費…查看更多

究極堂的環境結合咗傳統嘅日式風格，柔和燈光&木質裝潢營造出舒適的氛圍。座位安排寬敞，既適合家庭聚餐，也適合朋友聚會，如果大班朋友gatherings，可book VIP房 (炮台山、銅鑼灣都有)。壽定食配鳥冬，沙律這道壽定食，壽司新鮮，米飯口感恰到好處。搭配的鳥冬鮮嫩多汁，沙律清爽火炙壽司拼盤配烏冬，沙律火炙壽司香氣四溢，外焦內嫩。滑順烏冬麵搭配鮮美湯底，與壽司，沙律嘅清脆口感平衡咗油膩感。鰻魚芝士玉子燒玉子燒加入芝士，傳統風味更為濃郁。鰻魚嘅鮮味+芝士的奶香完美融合，口感層次豐富。海苔墨魚他他海苔墨魚他他味道獨特，海苔的鮮香與墨魚嘅鮮美形成絕妙搭配，適合與餅乾或蔬菜分享，作為開胃小菜非常合適。帶子他他帶子他他的鮮味十足，質地鮮嫩，搭配的醬汁恰到好處。…查看更多

🍳明太子芝士玉子燒 $78玉子超級嫩滑，食落好creamy😋 加埋明太子同芝士，真係食唔停口！🍣香芒炸蝦卷 $48炸蝦好酥脆，同芒果意外地夾！一啖食落去fresh得嚟又滿足😆🍤究極丼 $218刺身勁足料，而且每款都好新鮮！另外仲有一隻蛋黃俾你撈飯食，但今次因為嗌咗太多嘢食，費事食得咁漏就冇撈到啦😂 🍲牛肉壽喜燒$168壽喜燒調味好唔錯，而且成煲都好入味😋 牛肉仲要好嫩滑好有牛味！🍹菠蘿有氣果酒 & 蜜桃有氣果酒 $68呢兩杯都係用咗Asahi～都幾易入口😙 小編同朋友都係比較鍾意菠蘿味，略嫌蜜桃味有少少藥水味嘅感覺🥲-呢度食物水平超高水準，而且性價比都幾高，已經同朋友約好出咗糧再嚟食😚 如果多人嚟嘅話餐廳仲有VIP room，啱晒成班friend嚟gathering!-味道: 8.5/10服務: 7.5/10回頭率: 8.5/10總評: 8.5/10…查看更多