築地日本料理 (金百利廣場)

营业中

休息中

前幾日同朋友去銅鑼灣，作為港島人最鍾意行銅鑼灣，幾個商場睇吓行吓又一日。午餐時間近近地選擇了呢間位於金百利廣場的「築地日本料理」，睇到網上評價都唔錯，初次食吓體驗都唔錯。<午市富山便當>便當材料豐富，有齊刺身、烏冬和小菜，刺身新鮮，烏冬口感彈牙，健康又美味。<三文魚手卷/三文魚北寄貝刺身>我地喺魚生之中最鍾意三文魚！所以同朋友都嗌咗三文魚手卷，厚切啖啖肉冇腥味。北寄貝刺身肥厚鮮甜，色澤鮮紅艷麗，夠新鮮。<燒雞軟骨>雞軟骨香脆有嚼勁，朋友都爭啲要點多兩串先滿足，不過我哋嗌太多嘢食就作罷。<汁燒魷魚筒>原隻魷魚筒份量足夠，爽口彈牙，醬汁幾入味。<午市壽司定食>如果想食唔同種類嘅壽司呀午市定食就啱晒啦，分別有三文魚、油甘魚、鮮蝦、海膽、三文魚籽、劍魚腩、吞拿魚和火炙馬刀貝，每款一件，適合選擇困難症，唔知揀咩口味嘅人！