A.T.A.S

营业中

休息中

朋友講開知道銅鑼灣有間食星馬菜好出名嘅餐廳，今日見行開附近就同屋企人去食下晚餐。麥片老虎蝦老虎蝦共有六件而且隻隻都超大隻起碼有手板咁大嫁，面頭啲麥片非常之特別入口好似整碎咗嘅薯片咁脆卜卜加埋啲老虎蝦一齊食口感非常豐富。咖啡骨平時咖啡就飲得多啦但係咖啡做嘅嘢食真係第一次食，呢款一字骨入口食到咖啡既甘香味味道濃郁，鍾意飲咖啡嘅人真係必叫之一。月光河粉呢個河粉份量非常充足，入邊有d海鮮包括有蜆肉，蝦，魷魚等等河粉，用上黑醬油黎炒入口非常香口，而且河粉質地非常滑身加埋粒雞蛋攪勻黎食令人食唔停口。呢間餐廳環境非常舒適，員工都十分細心見到枱面隻碟放晒蝦殼都主動幫我哋換咗非常值得一讚加上食物質素高上絕對值得再光顧。