影片
更多
2020-11-06
49 浏览
銅鑼灣亂世中的台灣菜肺炎影響經濟，銅鑼灣有好多商鋪都執咗，已經好耐無過嚟呢邊。今日同女朋友出開嚟，想食台灣菜，結果揾咗好耐，終於決定試呢間。一上到希慎food court, 就見倒呢間。我地叫咗個肉燥鹽酥雞乾拌麵配上芝士奶蓋紅莓果茶同埋炸雞腿便當配芝士奶蓋玫瑰鐵觀音，我地仲叫埋個炸花枝丸。唔好以為我地叫咗咁多嘢，一定會好貴，其實呢度只係200蚊倒，真係好抵㗎。先講咗個乾拌麵先，大大啖麵放入口，再加埋鹽酥雞，口感極度豐富，值得一提嘅係麵身並不油膩，再加埋鹽酥雞嘅外脆內軟，整體上帶出由鹽酥雞嘅肉汁襯托住乾拌麵嘅感覺，最重要係食完唔會有成口油嘅感覺，非常健康好味。果茶都為我地帶嚟驚喜，店舖採用高級奶蓋粉，唔會好似其他食店咁快就變酸，同時，紅莓都唔會太甜，做得非常貼心。炸雞腿便當更值得一試，因為兩隻手掌加埋咁大嘅原隻炸愛腿只此一家。除咗抵食，師傅仲用上猛火滾油嘅技巧快速鎖住肉汁，雞肉保持嫩滑可口，令人一試難忘。可能無去台灣太耐，呢次接近還原地道口味嘅美食體驗，就彷如身置其中，下次都會叫埋其他嘢食。
肺炎影響經濟，銅鑼灣有好多商鋪都執咗，已經好耐無過嚟呢邊。今日同女朋友出開嚟，想食台灣菜，結果揾咗好耐，終於決定試呢間。
一上到希慎food court, 就見倒呢間。我地叫咗個肉燥鹽酥雞乾拌麵配上芝士奶蓋紅莓果茶同埋炸雞腿便當配芝士奶蓋玫瑰鐵觀音，我地仲叫埋個炸花枝丸。
唔好以為我地叫咗咁多嘢，一定會好貴，其實呢度只係200蚊倒，真係好抵㗎。
先講咗個乾拌麵先，大大啖麵放入口，再加埋鹽酥雞，口感極度豐富，值得一提嘅係麵身並不油膩，再加埋鹽酥雞嘅外脆內軟，整體上帶出由鹽酥雞嘅肉汁襯托住乾拌麵嘅感覺，最重要係食完唔會有成口油嘅感覺，非常健康好味。
果茶都為我地帶嚟驚喜，店舖採用高級奶蓋粉，唔會好似其他食店咁快就變酸，同時，紅莓都唔會太甜，做得非常貼心。
炸雞腿便當更值得一試，因為兩隻手掌加埋咁大嘅原隻炸愛腿只此一家。除咗抵食，師傅仲用上猛火滾油嘅技巧快速鎖住肉汁，雞肉保持嫩滑可口，令人一試難忘。
可能無去台灣太耐，呢次接近還原地道口味嘅美食體驗，就彷如身置其中，下次都會叫埋其他嘢食。
张贴
