百芳池上便當 (希慎廣場)

今次朋友请食饭，我哋嚟到希慎11楼嘅 food court，拣咗「百芳池上便当」。我叫咗 C5 卤肉鸡扒便当，朋友选咗 C1 香酥烤盐猪扒，两款都系干拌面套餐，另送饮品，我哋拣咗冧鸦乌龙，清香解腻。卤肉鸡扒煎得香口，卤汁味浓唔会死咸，配搭爽口拌面一流。朋友𠮶份盐猪扒咸香十足，肉质弹牙，系重口味之选。面条吸满酱汁，整体味道好有层次。不过，由于 lunch 时段人流众多，现场好多人，气氛相当嘈杂，座位之间比较逼狭，唔太适合慢慢叹饭。如果只系想快食一餐、医饱肚，呢度仍然系铜锣湾区内抵食之选，$130 两个套餐包饮品，性价比唔错。🍱🍖🍵…查看更多

今日嚟到铜锣湾，想随便食吓，就去咗food court揾食，行咗几转觉得呢间台湾嘢对我嚟讲算系吸引，所以就决定试试佢叫咗个百方猪扒便当$63，跟餐仲有一杯阿萨姆红茶。猪扒都几软熟唔会过腍过硬，腌料味道都几好，不会过咸，我觉得都系一个好食嘅猪扒嚟嘅，便当旁边仲有菜、鸡蛋、粟米同埋菜脯，捞埋个饭入面都好食，真系正正常常一个台湾铁路便当嘅感觉，我觉得冇人哋讲得咁差嘅，我觉得喺铜锣湾呢个价钱仲跟埋杯嘢饮算系咁啦…查看更多

一路都有买开百芳池上外卖一向都系以密封式去啤实饮品都明白密封式嘅饮品系要收胶袋钱佢都冇得拣唔要胶袋但系今日发现只系一张纸冚住在喺上面整个盖请问如果转左咁样嘅方式咁凭咩收我一蚊呢？…查看更多

池上我以前成日食仲觉得好好味估唔到都要送个差评俾佢星期日我一心一意去希慎Food Court 食池上心谂都好耐冇食都叫万分期待叫左炸鸡脾便当同茉香绿茶茉香绿茶到先苦到癫左 直头好似去饮茶冲到劲苦个种茶味我已叫全甜Chok 左好多下都系继续都咁苦隔左好耐下炸鸡脾便当到了第一啖系好好味的但切到咁上下觉得入面有d红再食就发现成只都红 x 粉红近骨位有血我都唔敢食啦上次去另一间餐厅食炸脾又系唔熟鸡肉唔熟会有菌架大佬我叫男朋友帮我拎返去换池上个阿姐hea佢话熟架喇之后我就用劲多时间开只脾好生呀大佬点食呀我食唔到啰今次到我拎出去俾个阿姐个阿姐话d腌料会令到只脾粉红色我忍唔住Usagi式回应: 「吓？！」我话我食过好多次都唔会咁样佢见我咁大反应就话：「你个饭食完唔会换俾你架喇！」我话：「边度食完呀，大半只脾都唔敢食！」佢话：「俾过份盐酥鸡你啦！」明明只鸡脾生既我都要拗几次先肯换俾我仲要系佢想俾乜就俾乜我咁阿姐态度恶劣下次都唔知仲敢唔敢食之后杯绿茶饮到最尾发现原来d糖浆搅左都唔匀最尾先够甜平时有8分今次得0分据我男朋友所讲池上大部份分店d店员态度都几差吓明明野食几ok都赶客麻烦管理层检讨下!!!否则几好食都执笠!!…查看更多

叫咗个三杯鸡便当，好丰富有另上嘅三杯鸡，仲有粟米同粉丝。三杯鸡相当香，闻到花椒八角味，送饭一流，而且啲鸡份量充足！$68嘅套餐仲送嘢饮一杯，我哋拣咗阿萨姆红茶，唔错。呢间系抵食之选！…查看更多