Apinara

营业中

休息中

今日去咗金鐘接朋友放工，佢介紹咗一間新開嘅泰式餐廳一齊食嘢傾偈。一入到去氣氛好似去咗泰國咁，好Chill，餐廳以木系作為設計，天花板有好多東南亞嘅吊線做裝飾，座位之間好寬闊，好有私人空間。黃咖喱軟殼蟹 黃咖喱汁非常惹味，再加上香草同軟殼蟹嘅鮮味，正到不得了。主角軟殼蟹，炸到外脆內軟，唔會過冧，再吸返黃咖喱嘅汁。無得頂！送飯送薄餅一流！菠蘿肉鬆海鮮雞肉炒飯用一個菠蘿🍍上菜，非常多肉鬆在抄飯面。仲有一隻開邊大蝦放喺菠蘿炒飯上面。再加入提子乾，調出雞肉嘅鮮味。雞肉粒非常新鮮彈牙。仲有好多菠蘿粒喺炒飯入面。炒飯唔會過乾，亦唔會過濕，剛剛好。薄餅薄餅非常鬆軟，好似手抓餅嘅口感。唔會煎得太燶，咬開薄餅煙煙韌韌，撕開呈一絲絲。 送黃咖喱軟殼蟹一流！椰皇燕窩焦糖燉蛋 $128超珍貴嘅燕窩舖係焦糖燉蛋上邊，打卡必影。燉蛋超香蛋香味道，比火槍燒一燒，食落有冰火交集嘅感覺。飯後甜品🍮必點之選。