Dim Sum Library

营业中

休息中

多謝喺中環返工嘅朋友願意遷就我，嚟金鐘呢個美食沙漠搵我食飯🥹 天氣開始熱，所以多數都喺太古廣場搵嘢食，見邊間唔洗等位就試下😂喺金鐘返咗幾年工，第一次食Dim Sum Library。因為睇餐廳外觀覺得似貴夾唔飽，加上定位係酒樓但唔少侍應講英文，第一印象會認為點心味道唔夠正宗😂今次兩個人叫咗黑松露蝦餃、薑蔥龍蝦包、流心海鹽焦糖朱古力糯米糍，同埋石鍋魚湯日本稻庭烏冬，埋單一人200零蚊，價錢喺金鐘飲茶屬於合理價位。整體嚟講食物賣相精緻，部分食物有新意，喺其他酒樓未見過，味道亦係正常新派點心店水準。最有驚喜係魚湯烏冬，因為冇圖片，本身擔心份量會唔會好少，甚至冇魚肉只有魚湯😂最後發現其實有唔少魚肉，烏冬質地爽滑，魚湯鮮甜，兩個女仔每人分到3小碗，絕對夠飽。唯一要挑剔係張枱比較細，如果再叫多幾款食物應該會唔夠位擺。