金紫荊生記粤菜廳

营业中

休息中

生記進駐金紫荊生記粤菜廳，可以睇住海景同金紫荊食晚飯，好舒適。希望堂食快d開返可以下次再試其他野！最鍾意就係火焰雞，好正嘅火焰鹽焗雞，淨係睇個樣已經知道好吸引，鹹香油香十足！見到成個流程好宏偉！黃老太梅子蒸蟹賣相都係一流，蟹肉鮮甜而且有特別嘅香味。生煎手剁蓮藕餅粒粒蓮藕，而且表面煎得香，口感一流。鳳梨黑毛豬咕嚕肉相當正宗，肥肥瘦瘦而且沒有骨，口感香脆，配搭菠蘿及紅黃綠椒。香蔥海鹽馬友冇骨，鹹香而且魚味香。焦糖黑毛豬叉燒超好食，焦糖配搭得很好而且旁邊都有啲豆，令層次豐富D。懷舊雞蛋焗魚腸個味道好特別，好多香料味，好少食到呢種味。金湯舞茸玉荷苞裏面有菜同埋有菇菌，加上南瓜/甘筍湯，成件事都幾match同埋好健康！堂灼太白醉翁海中蝦見到佢哋醉晒，食落去都好香嘅酒味同好爽口彈牙。蠔皇蝦籽油皮個質感好得意，柚子皮變得好林，而且好香嘅蠔皇味。香菌鮑魚砂鍋焗飯好豐富，個飯比較硬身有口感，裏面好多粒菇菌同鮑魚粒粒，砂鍋焗特別有風味。今次一次過同成班朋友品嚐咗好多唔同款式，但係其實仲有好多其他美食可以之後試試。