影片
更多
2019-12-22
896 浏览
今日同女朋友行過決定試下金城茶餐廳嘅豬排同肉餅飯。老牌茶餐廳格局，幫襯嘅都係街坊。我見到佢個menu寫左豬扒稱王，內餅稱霸，寫都咁大，應該都對自己出品好有信心啦。我就係鐘意呢種串串地嘅風格。我地叫左一個肉餅飯同一個椒鹽豬排飯。佢個肉餅係煎出黎個種，好香口，裏面有加馬蹄所以有少少爽口。第一眼望到咁大舊都有點驚訝。呢種肉餅可以話係港式漢堡扒，絕對比得上鬼佬漢堡。其實佢地都有賣肉餅包，望到隔離枱有叫，份量十足，下午茶可以一試。豬扒方面，佢唔係煎到好乾身好辣個種，反而係有少少甜。好入味又唔會難咬。佢地仲有菜脯，重口味嘅朋友可以加，辣度十足。我叫左杯熱奶茶，老式茶餐廳，有水凖。一個飯五十六，仲要唔跟野飲。野飲唔記得係加九蚊定八蚊。佢對自己出品有信心，收貴少少都有佢理由嘅，食完都好滿意。經過大圍可以試下。完
老牌茶餐廳格局，幫襯嘅都係街坊。
我見到佢個menu寫左豬扒稱王，內餅稱霸，寫都咁大，應該都對自己出品好有信心啦。我就係鐘意呢種串串地嘅風格。
我地叫左一個肉餅飯同一個椒鹽豬排飯。
佢個肉餅係煎出黎個種，好香口，裏面有加馬蹄所以有少少爽口。第一眼望到咁大舊都有點驚訝。呢種肉餅可以話係港式漢堡扒，絕對比得上鬼佬漢堡。其實佢地都有賣肉餅包，望到隔離枱有叫，份量十足，下午茶可以一試。
豬扒方面，佢唔係煎到好乾身好辣個種，反而係有少少甜。好入味又唔會難咬。
佢地仲有菜脯，重口味嘅朋友可以加，辣度十足。我叫左杯熱奶茶，老式茶餐廳，有水凖。
一個飯五十六，仲要唔跟野飲。野飲唔記得係加九蚊定八蚊。佢對自己出品有信心，收貴少少都有佢理由嘅，食完都好滿意。經過大圍可以試下。
完
题外话/补充资料：
員工有禮貌，望落大多老伙記。成間店個氣氛都係好輕鬆。
白飯俾好多，食量細嘅朋友可以叫少飯。
(以上食记乃用户个人意见 , 并不代表OpenRice之观点。)
张贴
