添記法式三文治

营业中

休息中

一場走返嚟，除咗去舊居附近懷緬一番之外，自不免要食吓從小食到大嘅小吃...去完漢記，失望之極。來到添記，相信冇乜點走雞啩...實際上搬走之後都有三數次返嚟買條細嘅返去慢慢嘆。水準一向都keep得唔錯，包依舊烘得脆啪啪，一咬就麵包碎四濺，雖則狡狽非常，但卻係難得嘅美味....除烘得脆脆嘅麵包外，還有醃得甜甜酸酸嘅紅蘿蔔絲，伴埋鹹香嘅淰肉、扎肉、滷肉及肝醬，光只是吃一條，就足以勝過去什麽麥當當食一個不知所謂嘅包餐....唯一不"滿意" (可能太貪心啩)係，價錢已由從前嘅七八大洋一條升至十五六大洋，但雖則如此，當然仍繼續支持la...