7E咖喱王

营业中

休息中

之前網上掀起過重慶大廈爆買日活動，個時我唔係好得閒，參與唔到，有d可惜，因為重慶大廈一路都係一個好有特色嘅地方，聽講佢嘅咖哩非常岀色，今次終於有機會試下！黎到7E咖哩王嘅門口，佢係寫住淨係招待會員，所以都有d驚，會唔會唔做自己生意，好彩入到去d店員都好nice，重要識講廣東話，個心即時定返曬。店面裝修幾復古，似我細個去d冰室嘅風格，有d畫掛係牆，d枱枱櫈櫈係起角嘅膠面方枱，如果你同我一樣有返d年紀，對呢d野應該都會幾有親切感。哈哈講返d野食先，今次最令我意外嘅係牛肉咖哩，因為我食第一舊嘅時候，一啖就食曬，以為佢會好似港式d咖哩牛腩一樣炆到好淋，點知食落去好有咬口，所以以為唔好食，後來朋友同我講，呢d牛肉應該撕做細舊先放入口，咁先食到入面嘅香料味，咁做左之後果然大有不同，食到入面唔同香料嘅味道，層次感十足！真係大開眼界。下次有機會一定會再黎試下！