7E咖喱王

上去7 E 咖喱王，环境普通，但系都几好。叫咗咖喱牛肉，咖喱鱼，洋葱圈，白饭，两个薄饼。洋葱圈先上来，但不太脆，咖喱牛肉OK，咖喱鱼太咸，但系白饭唔系用印度米，薄饼OK但系不太脆。…查看更多

要入到去餐厅要经过重重关卡，因为门口大家都好热情推销自己间餐厅🤣今次拣左呢间咖喱王，嗌左几款印度特色菜试下～🍽️特色脆薄饼（4/10）呢个真系好咸，同埋愈食愈辣，加上洋葱夹埋啲香料有啲涩同草青味，唔系太中意，而下面块饼皮因为上面啲配料太湿，食到后面变淋左🥲🍽️咖喱牛腩（6.5/10）咖喱偏浓味，反而无预想中印度咖喱既椰奶或者骚味，味道合格唔错👌🏻牛肉够腍但系偏碎，扣左少少分🙈🍽️特色香料鸡（6/10）因为呢款咖喱加左蕃茄汁，所以食落比起牛个款清新，啱啲唔系好食得辣既朋友仔👍🏻但败笔既位系啲鸡肉好难好硬🙈虽然咖喱系主角，但啲肉鸡既处理真系差啲😔🍽️印度咖喱角（7.5/10）呢款系印度特色小食，外皮炸到脆身，入面就好酥带少少粉，味道同我地下午茶食到既咖喱角差唔多，但包左满满既薯蓉，几特别同埋都几好食😋🍽️牛油、蒜蓉烤饼 （7/10）Naan应该系印度菜必食🤣热辣辣上枱，烟烟韧韧既口感，用黎蘸咖喱啱啱好🤤但两个味食落差唔多，都唔系好食得出有牛油或者蒜味🫢—˗ˏˋ 𝓜𝓮𝓶𝓸✍︎ ˎˊ˗整体黎讲，唔算特别突出，试过其他间印度菜都做到呢个质素，未必会再特别encore了🙈✨推荐指数：6/10…查看更多

咖哩味道正常，唔系好食唔系难食。形住唔新鲜。好多连锁快餐店茶餐厅都好食过佢。咖哩角，细只又唔香口，我估重庆大厦地舖𠮶啲档口仔整得好食过佢，洋葱圈难食，油立立。杯masala tea一啲香料味都冇，lipton即溶奶茶仲好味过佢。八折之后以今时今日嘅物价唔算贵，不过都系𠮶句算吧啦。…查看更多

当晚我同几个朋友去咗呢间叫7E咖喱王嘅餐厅，因为听人讲好食就嚟试下。味道一般，冇咩特别之处，而且咖喱唔够热。有个朋友唔食得羊肉，本来就叫咗咖喱牛肉，但无啦啦嚟咗咖喱羊肉比佢。一开始我哋以为系搞错咗，我哋问佢，佢话呢个系牛肉，但一睇就知系羊肉，我哋再问多佢一次，佢先去问厨房，佢地先话牛卖晒，就转咗羊比我哋。我觉得佢地唔应该无啦啦转，点都提前通知返我哋先，严重既，点估会唔会呃咗个素食食肉架。最后，我朋友真系唔食得羊肉，所以佢地又转咗鸡肉。不过最严重嘅系，我哋第二日全部都肚痛肚柯，我哋几个朋友夜晚出嚟一齐食既野就只系得呢间7E咖喱王，都真系一定关佢事，我哋最严重果个一日柯咗七次。最后真系迫住要睇医生，医生话可能系大肠杆菌。不过都系果句每个人体质唔同，可能系我哋四个人差啰！有胆量，身子好既人，可以去食，去挑战！…查看更多

同事带队重庆大厦食印度咖哩，我跟住去第一次，除咗无落手落脚之外，相信系我最认真嘅一次。今次试咗 Madras 、Masala、Vindaloo 三款不同辣度嘅咖哩，分别配虾鸡牛羊加地道香料，拌饭同薄饼一样出色，个人喜欢浅辣、鸡、芝士薄饼，三𩠌互换，追加咗几次单，我就要咗两杯芒果乳酸 Lassi 解辣，仲有佢嘅印度点心咖哩角、烧鸡，非常惹味，可惜糖水甜煎堆是日售罄，埋单人均消费唔算昂贵。话说原来重庆大厦比我想像中先进，今次除咗一个好好嘅体验，仲多咗个唔错嘅话题。…查看更多