博居酒屋

营业中

休息中

經過酒吧街，行咗一陣之後覺得好肚餓，見到間日本串燒門面幾靚，就入去試吓。入面個裝修環境幾舒服，可以睇到師傅燒嘢食嘅過程都幾滿意。叫咗雛菊同埋紅葉Set ，啲嘢食燒得好快。佢前菜個師傅特製嘅燒烤醬汁幾惹味，仲有三款唔同嘅鹽，店員好細心會逐一介紹。首先試咗個銀杏同埋日本番薯，師傅燒嘅火候啱啱好，番薯食入口係暖心嘅。香蔥牛燒入口好重肉汁、雞腎、汁燒大蔥雞肉串都好好味，最鍾意師父每碟都會有兩粒蕃茄仔等你可以清下個味蕾。紫蘇葉豬肉串同埋黑豚肉大蔥串，因為都好厚身，咬落去有啲似食韓國燒肉嘅感覺。紫蘇葉魷魚串我覺得最有驚喜，冇諗過可以咁樣配搭，因為我超愛紫蘇葉嘅關係，所以我覺得好正。雞骨豬肉腸咬落去充滿肉汁，好鬼香口。之後仲有燒帶子、汁燒茄子、汁燒先冬菇，好似食咗好多款式咁，仲有我最愛嘅免治雞肉軟骨串，篤穿隻蛋食真係超正。最後食埋個燒羊扒同埋燒飯團，真係飽到上心口。