博居酒屋

呢間店幫襯咗年幾，平均一個月去幾次，時多時少咁啦。早輪喺呢度飲多咗兩杯，話要寫個食評介紹吓，今日做找數真漢子。學另一篇食評話齋，呢度有美味嘅食物、可愛嘅員工同埋輕鬆嘅氣氛。一. 美味的食物燒鳥 - 居酒屋主打嘅係燒鳥，燒鳥從用料、切割到燒烤都好用心。我本人就鍾意七里香喇，老闆聲稱兩隻雞先整到一串。至於味道呢，就係完全無得頂架喇，鍾意呢口嘅人一定會愛上。我老友就鍾意燒雞翼，話係阿波尾雞翼嚟嘅。另外我哋鍾意嘅仲有雞皮餃同埋免治肉棒，肉棒配嘅蛋汁，都係靚嘢嚟，menu果度係無注明嘅，呢種風格呢，正正就係好似呢度嘅員工一樣，低調而又優雅。肥豚丼 - 嗱！豬油撈飯本身呢，唔講都知係香氣四溢架喇，更何況係用剛燒熟嘅豬肉裏面果啲熱辣辣嘅豬油，滴落去啱啱先煲起嘅白飯度，爽度即時大增3000倍，配埋蛋黃同大蔥，咁嘅配搭嚟講，就只能換嚟所有人食客嘅一致評價：無得輸！一夜乾 - 老闆喺晚市高潮完咗無咁忙果時，會親自處理鮮魚風乾過程，坐喺吧枱睇住佢搞啲魚，都確係相當治愈嘅事。依家多數係笛鯛同馬友，見佢掛住條三刀話要做測試，非常期待嚟緊有更多好食嘅自家制一夜乾試吓。二. 可愛的員工健談嘅老闆，佢準備處理隻雞喇。三. 輕鬆熱鬧嘅氣氛輕鬆親切嘅環境，一邊食嘢一邊飲酒。晚市高峰過後坐喺吧枱，R吓水吹嘅好地方。…查看更多

近排突然好有衝動想去食串燒，於是搜尋太子附近邊度有。於是發現到一間隱世高質居酒屋！職員們好友善❣️食物質素都非常高🤤真係一定會再去！！依家諗起都念念不忘🤭🩷…查看更多

Have been to many Yakiniki restaurants in HK, for Petite - one word comes to mind - terrible.First time we went to this place with some friends. Food quality pretty average for a bbq place, crispy chicken skin - was partially soggy, the chicken breast bone cartilage dry and overcooked. Chicken wings, the basic of all foods was cooked unevenly and not salted properly. To top it all off, the whole experience was let down by the service. Terrible service - there was Highball on the menu, a small glass for $78 and $188 for 1 litre. As only 1 friend had arrived, we decided to share a litre Highball. Upon arriving, I asked for 2 glasses so we could share. The waiter said we could not share. It did not mention on the menu or anywhere in the restaurant. I asked if I order a bottle of whisky am I expected to drink the whole bottle by myself? He replied that’s different. We ordered a bottle of 1.8l Sake, which was shared between the four of us. We asked once again how can we share this and not the 1litre drink. I was met with no response. HK restaurant business is not doing well, but with attitude and service standards like this, it is not surprising with them closing down.Will never return to this place again. …查看更多

今次已經係二訪位於太子酒吧街嘅高質串燒店！雖然小店空間唔大，但好有日式居酒屋 feel，鍾意坐 bar 枱可以望住師傅好用心咁處理每一款食材，不過今次人多要坐入面大枱~~ 呢度主要食 “燒鳥”，仲有提供好多稀有部位，鍾意食雞嘅朋友唔好錯過啦~！😋 提燈 ~ 香港唔係好多地方有得食，幸好今日有存貨，啱啱好可以每人一串！蛋黃味道濃郁，帶有少少甜味，口感獨特，令人回味無窮！😋 另外仲有雞冠、雞心、橫隔膜、雞蠔肉等等都有好香雞味，始終都係食材夠新鮮！等待嘅時間比較漫長，始終每一道菜式都要用心製作，所以要有耐性！清酒選擇唔多，而且無我喜歡嘅辛口種類，唯有暢飲啤酒亦都係一個好配搭 🍻…查看更多

冇諗過呢餐飯咁好食！！！平時我唔太鍾意食雞皮，但雞蠔肉塊雞皮燒到卜卜脆好似薯片咁脆，仲要雞肉本身超級多汁，老公食雞小腿都係有同感塊雞皮好脆勁好食呢間小店全部雞肉都燒得好出色，大蔥雞肉串又係好多汁！味醂魚干又係燒得好好食好有衝動想再叫多份汁燒豆腐又係燒得勁脆免治肉棒配月見汁都不錯！但最驚喜都係雞類串燒😋汁燒茄子都不錯！豚肉五花腩我只係試咗瘦肉部份冇食肥肉，就覺得不過不失吧成餐飯唯一可以挑剔地方就係烤芝士串非常普通，因為原來個芝士係唔會拉絲，所以其實烤左同冇烤口感好似冇乜分別……查看更多

朋友介紹來了太子的博居酒屋吃串燒🍢兩個人叫了一個餐、幾串串燒及一支芝麻味的Sake — 紅乙女$388🍶。👉🏻二人前 $398👉🏻燒鱈魚干魚干烘得乾身，味道香口，沾沙律醬吃好夾🍶👉🏻磯煮牛舌煮得入味，但是不太吃得慣磯煮的牛舌😂。👉🏻燒雞串四盛(雞脆骨、雞軟骨、雞肝、雞腎）👉🏻鹽燒雞全翼兩串🐥串燒燒得乾身香脆，雞全翼雞皮頗薄，不會過於油膩，整體調味較為清淡，不喜歡吃太濃的人剛好。👉🏻鹽燒五花腩兩串🐷五花腩肥瘦適中，上面的調味香口惹味👍🏻👉🏻清酒煮蜆蜆肉鮮甜，蜆湯淡淡清酒味，天氣開始涼，喝口湯很暖胃🍲🥰👉🏻鹽燒鯖魚🐟鯖魚燒得乾脆香身，不過在串燒舖頭吃有點失色。👉🏻三黃雞湯烏冬🍜雞肉比較鞋，相比其他串燒，這個烏冬比較普通喔。👉🏻焦糖菠蘿🍍好juicy🤤~燒過嘅菠蘿比原來更加甜，仲要加了一層又薄又脆的焦糖~完美的落幕💯另外，加了2串串燒。👉🏻提燈 $68小編第一次吃提燈，提燈加了醬油調味，挺喜歡這個口感🤣。👉🏻免治肉棒配月見汁 $42免治肉棒淡淡肉，沾上濃稠的蛋黃醬🍳，超級滿足的！博居酒屋的串燒比較原汁原味~不過食材新鮮的話，確實不需要太花巧😜吃串燒，喝Sake，聊聊天~愉快的一個晚上🥰…查看更多

原本係去第二度食飯但係天氣熱辣辣，冇乜胃口所以決定去居酒屋飲吓酒食吓小食呢度師傅燒雞掌握過火候好好，剛剛熟，肉質鮮嫩雞冠，雞橫膈膜，提燈香港地唔多居酒屋有 呢間就有哂👍🏻朋友食到月見免治雞肉棒好驚喜，口感層次豐富呢度燒雞全翼是必食的，咬落去第一下爆汁😋雞翼尖都唔會太過火👍🏻👍🏻👍🏻雞皮薄，皮下脂肪唔厚，食到雞味！！！呢度雞種採用本地三黃雞，油脂豐富，做燒雞真係一流唯一要彈真係上菜太慢！等咗幾耐下！不過開住支酒同朋友吹水時間就好快過！…查看更多

今個食評無為大家準備相，因為openroce album已經有2千幾張相，自己可以隨便睇。更何況，睇相靚，亦唔代表好食。1.一去到，坐咗半個鐘，都係熱到會流汗，到底佢個冷氣有問題，定係成間舖有問題？2.除咗個女staff之後，全部都係目無表情，請問介唔介意帶多少少笑容返工？3. 串燒無特別，亦唔算好食。所有調味都係俾黑椒cover哂，特別係“大家都話好食”嘅雞蠔肉，難道。。。。食到黑椒味，就係好串燒？4. 居酒屋，但sake嘅選擇都真係唔多。5. 價值高，性價比低我睇返枱面張紙，先睇到原來同尖沙咀嘅博多•爐端燒同一集團，應該可以話係姐妹店。我唔明點解可以差咁遠？難道要就返個地段，做返當區大眾口味？:(…查看更多

去完日本意猶未盡，今晚又約朋友到這間日式居酒屋享用串燒。我們叫了以下串燒雞心: 經過烤燒後具有彈牙的口感和濃郁的味道。雞肝: 雞肝是雞的肝臟，它具有豐富的營養價值和濃郁的肝味。烤燒後，外層脆口，內部則保持著柔軟的口感。魷魚條: 魷魚條香脆，並散發出獨特的海鮮味道。雞軟骨: 含有豐富的膠原蛋白，經過烤燒後具有脆嫩的口感。雞軟骨通常會事先醃製並用炭火烤燒，讓它變得香脆可口。雞湯烏冬: 經典的日式湯麵料理。鹽味清淡的雞湯為基底，配上煮熟的烏冬麵和其他配料，如蔥花、海苔等。汁燒茄子: 經過烤燒並塗上特製的燒烤醬料而成。茄子的外層會變得炭燒香脆，內部則保持著柔軟的口感，搭配醬料的風味更加豐富。翠玉瓜: 烤燒後的翠玉瓜片具有清脆的口感和淡淡的甜味，是一道清爽的串燒菜品。這些串燒的烤燒方式能夠保留食材的原汁原味，並賦予其獨特的風味。無論是作為小吃、下酒菜還是主菜都非常美味。值得一試。…查看更多

餐廳環境裝修得好靚，好有feel！坐喺吧枱前面，睇住師傅處理食材，好吸睛！前菜 蒜頭 牛蒡❤️ 開胃惹味玫瑰鹽枝豆❤️ 粒粒爽口三黃雞全翼❤️ 勁香口！雞小腿❤️ 嫩滑夠Juicy七里香❤️表皮焦脆，咬落軟淋豚肉五花腩❤️ 邪惡感十足，但係唔會好油膩，食落啖啖肉鹽燒鯖魚❤️鮮甜可口！阿波尾雞翼一夜干❤️小脂肪，肉味濃郁有彈性汁燒豆腐❤️炸過嘅豆腐，夾埋餐廳嘅醬汁好惹味翠玉瓜❤️ 食咗咁多肉，梗係要叫返個蔬菜嚟平衡下！翠玉瓜燒得好香口，入口唔會覺得好熱氣…查看更多

放工同朋友去chill下🏮🪭太子著名「酒吧街」，有間性價比極高既居酒屋😜⋄🛋️💡店內燈光柔和，裝潢極具和風特色。店裡除了Bar枱，仲有榻榻米式大枱適合三五知己🫂把酒談天🍶座位大約只有20多個，所以記得要預約😍⋄全店主打是串燒🍢坐在Bar枱看著廚師👨🏻‍🍳炮製即叫即烤的串燒感覺很幸福❤️ 店內提供幾款調味鹽🧂包括咖喱鹽、柚子鹽和黑炭鹽，方便客人隨心所欲地為串燒加添多層次味道👍🏻⋄⋄====—====—====—====—✦ 前菜 ✦（$20/位）🪵淮山條🧄蒜頭⋄✦ 雞 ✦🍗三黃雞全翼（$42）雞全翼燒到雞皮岩岩好，帶有薄脆口感，一啲都唔油膩，咬落啖啖肉，咸咸香香😝—🐣三黃雞橫膈膜（$42）雞橫膈膜來自三黃雞，係非常稀少嘅部位，入口多汁有咬口，略帶油脂但又唔會太肥膩，果然冇令人失望😍—🐥三黃雞大蔥雞肉串（$42）兩者香味一流，三黃雞油香肉嫩，與大蔥互相配合可以減少油膩感😍—🐤雞心（$38）燒到好濕潤唔乾身，調味咸香，食落唔腥，香甜彈牙，帶有煙韌口感😙 ⋄✦ 豬 ✦🐷豚肉五花腩（$48）豚肉有著豐腴豚脂香，加上秘製芝麻辣椒醬🌶️去膩又增添咗香味層次，口感豐富👅⋄✦ 海鮮 ✦🐟鹽燒河鰻（$68）鰻魚肥美肉嫩，外皮香脆可口，啖啖肉❤️⋄✦ 蔬菜 ✦🥠汁燒豆腐（$38/2件）外脆內軟，裡面熱辣辣，配合醬汁同木魚絲，好味🤤—🫛秋葵（$28）燒香的秋葵加上醬油及木魚碎，非常香口😜⋄✦ 佐酒小食 ✦🦪吉列炸蠔（$58）炸到金黃色，咬落香口又鬆脆👍🏻👍🏻====—====—====—====—.📌店名：博居酒屋’📍地址：太子通菜街223號麗明大廈地下D號舖…查看更多

星期六夜晚過黎，但得我地一檯客，而家真係飲食難做。餐廳其實食物質素都幾高，嘢食非常好味又特別。炸蠔有蠔味，又唔多炸粉。清酒煮蜆d蜆無沙，又夠鮮。佢個年糕用紫菜包住，口感好正，好好味。泡飯又好得，係較細碗。食物非常好食，呢間餐廳非常值得推介。…查看更多

餐廳：博居酒屋 (太子)地址：太子通菜街223號麗明大廈地下D號舖太子通菜街出咗名喺香港人嘅酒吧街之一🍻，但喺除咗酒吧之外，呢度其實有一間日式居酒屋——博居酒屋，佢哋主打日式串燒🍢，有海鮮🦐、雞🐓、牛🐃、豬🐖、蔬菜同其他小食選擇，款式都算幾多，仲有唔少特別串燒部位，例如雞蠔肉、雞橫膈膜、阿波尾雞翼一夜干等居酒屋分開咗兩個空間，一入門口先有日式bar枱，可以面對面望住師傅即場炮製串燒，另外仲有一個榻榻米式座位，喺度傾偈傾生意🗣️、邊食串燒邊飲杯清酒或者燒酒都幾正🍶先嚟咗個前菜涼瓜漬，同每次去居酒屋都基乎必叫嘅味醂魚干 ($68)，除咗切得好靚同砌得好整齊(有少少強迫症嘅人表示好鍾意)之外😍，食落唔會太鹹太濃味，香脆可口得嚟又帶有煙韌滋味，無論味道同口感都控制得非常好👍雞串燒叫咗個三黃雞全翼($42)、雞肝($38)、雞蠔肉($48)同雞冠($42)，雞全翼燒到雞皮啱啱好薄脆嘅程度，一啲都唔油膩，咬落啖啖肉，吮埋香口嘅雞翼尖簡直無得輸😋；雞肝一啲都唔腥，醬汁香濃得嚟唔會蓋過咗雞肝嘅獨特香味；雞蠔肉喺雞背近大髀位兩舊好似「生蠔」形狀嘅雞肉部位，好多人都唔識得食，但其實佢肉質非常軟嫩多汁💦，濃郁雞香仲特別出眾，一試難忘🤩另外叫咗串豚肉五花腩($48)同花枝一夜干($128)，每啖咬落豚肉都有豐腴豚脂香，加上秘製芝麻辣椒醬🌶️，去膩又豐富咗香味層次；風乾咗一晚嘅原隻魷魚🦑，燒香後就成為花枝一夜干，肉質爽軟有咬口，配上自家秘製花椒醬油同七味粉，呢個時候配返枝酒就一流🤤…查看更多

前排同先生去大阪冇食到串燒一直覺得遺憾，咁啱同同事講起佢屋企附近呢間串燒店質素極高，趁住Happy Friday過嚟撐枱腳。打開Menu就知道雞串燒係主打，圖文並茂非常細心，仲有唔少刁鑽稀有嘅部位。一坐低店員首先為我哋送上前菜，有三款漬物，特別鍾意漬蒜頭，入口微辣但冇蒜頭嘅辛味，口感爽脆，非常開胃。味醂魚干燒得好香，表面微焦，沾上加入七味粉嘅蛋黃醬更加香口滋味。雞腎爽口而唔會太韌，稍微加上少少鹽花已經好香口；雞頸肉入口皮香脂肪少，雞肉鮮甜而且飽滿多汁，絕對唔能夠錯過。五花腩肥瘦相間，香口得嚟唔會覺得好肥膩，加上自家醬料非常惹味，推薦！豚肉車厘茄卷燒到恰到好處，薄薄嘅豚肉片色澤金黃，灑上少量鹽同黑椒吊味，一咬落去外面微脆帶鹹香，內裡嘅車厘茄熱辣辣又好juicy，充滿驚喜！只能夠講師傅手勢好，平凡嘅食材都能夠帶出驚喜。雞橫膈膜來自三黃雞，係非常稀少嘅部位，入口多汁有咬口，略帶油脂但又唔會太肥膩，果然冇令人失望；小腿肉口感紮實而且肉味濃，外皮亦燒得香脆可口。雞湯烏冬嘅湯底非常濃郁，食得出冇加味精，係嗰種好純粹嘅濃雞湯味道，就咁配上少量昆布已經好滋味。最後當然唔少得甜品，燒菠蘿就食得多，呢個加咗焦糖嘅燒菠蘿絕對係我食過之中最好味，薄薄嘅焦糖又香又脆，加上甜度極高嘅新鮮菠蘿，一咬落去滴晒汁，超級好味！今晚同先生食得好盡興，食材新鮮加上師傅嘅巧手，上菜嘅時間亦掌握得啱啱好，令初次喺香港食日式燒鳥嘅我哋留低深刻嘅印象，推薦俾想享用高質燒鳥嘅朋友仔。…查看更多

平時都成日食串燒🍡，但真係好少遇到啲串燒可以整得咁好味嘅餐廳，呢間位於太子嘅居酒屋，主打食串燒，食物非常高質，真係要介紹比大家。 餐廳唔算好大，有吧檯位置，同埋幾個座位。通常我去居酒屋都會揀坐吧檯，睇住師傅燒食物嗰陣，感覺好期待😍 職員先送上前菜，有牛蒡、酸蘿蔔、泡菜蒜頭，無諗過個泡菜蒜頭可以咁好食，有驚喜👍 豚肉五花腩：五花肉同脂肪比例恰到好處，油脂香氣十足，油脂入口仲保留住脂肪融化口中的香味，肉質柔嫩多汁，加埋蒜蓉，肉味濃郁美味。 鹽燒牛舌：牛舌爽口有彈性，肉汁鮮嫩，加埋少少鹽味，提升整個牛舌嘅味道。 鹽燒鯖魚🐟：鯖魚油脂豐富，魚肉細嫩，沒有腥味被烤得皺皺的魚皮夾雜味醂的嘅甜味，鹽味由內散發至外恰到好處。 大葱雞肉串：雞肉鮮嫩多汁，沾滿甜甜嘅燒汁，配上燒香嘅京蔥，簡直就係絕對！ 雞小腿🍗：雞小腿肉質嫩滑，表面帶有少許雞皮，非常香脆。 雞腎：完全無腥味，調味恰到好處，非常爽口。 雞湯烏冬🐔🍜：雖然個湯唔算好濃味，但食到啖啖清雞湯味，烏冬幼滑易入口。 焦糖菠蘿🍍：呢個係我食過最好食嘅焦糖菠蘿，表面焦化產生嘅焦糖香味，中和咗菠蘿嘅酸味，美味多汁，絕對要encore再encore。…查看更多