尚海薈

真係要揀就燻魚同蝦仁比較好，但以同樣價位嚟講 比唔上浙江軒 夜上海，都算幾失望，整個感覺係唔夠精緻，味道都唔夠細緻，相對嚟講味道偏重，同埋唔算好傳統嘅上海菜味道，講唔出原因，口味偏向廣東化，有機會部份人會覺得幾岩食。特別係點心類，小籠包都做得麻麻地，入面啲汁肉味唔夠夠濃，生煎包唔夠脆(相對街頭米芝蓮個生煎包而言)不過有機會我自己要求比較高，感覺直頭同翡翠 樂天差唔多貨色，我估如果係嗌大菜比較好？但好大機會冇下一次，因為經濟唔好嘅情況，我都會揀返食一啲不嬲食開都好食嘅同樣價位餐廳，因為呢個價位既餐廳依家book位都好易。