衝住佢哋個「咖喱蟹肉焗麵包」嚟！上枱熱辣辣，成個麵包挖空裝滿濃郁黃咖喱，蟹肉多到瀉出嚟，仲有啖啖彈牙魷魚同蝦仁！重點係個麵包蓋焗到超脆，撕落嚟點咖喱汁，甜辣惹味仲帶椰香，掛汁力100分～食到底連麵包碗都吸晒精華，軟綿綿索盡咖喱，邪惡到停唔到口！
另一驚喜係「泰式炒粉絲」！即叫即炒鑊氣爆棚，粉絲乾身唔油，彈牙得嚟仲有焦香！落足雞肉、大蝦、蛋碎同爽脆蔬菜，最正係撒咗花生碎同辣椒粉，撈勻酸辣魚露汁，鹹香酸辣一次過衝擊味蕾，食到舐舐脷～
環境同價錢：
舖仔細細，但冷氣夠勁，坐得舒服；
份量夠2-3人share，抵食！
服務OK，上菜快，趕時間都啱。
真心推：咖喱包同炒粉絲係必殺組合，濃味撞濃味反而夾到震！記得嗌杯凍奶茶解辣，茶底夠濃唔死甜～ 大埔想食高質泰式小炒，呢間絕對翻兜！
