朴將軍

特登黎食炸雞放題 如菜單顯示共有七種口味 因為唔食辣所以只係叫左四種口味 包括原味蜜糖味烤醬味芝士味 原味就似KFC咁不過好食啲既 烤醬味係甜酸醬咁有啲伏 芝士味就只係灑芝士粉上去都還可以 最好味係蜜糖味
炸雞都幾脆口 肉質都唔差 亦唔會乾身 呢個價格食到炸雞都算係咁 但留意份量都唔少 我地得兩個人所以食一兩輪就飽 可能多啲人會好啲 入座起計兩個鐘 場內有大螢幕播韓國MV 平時冇接觸開都覺得幾好睇 額外一提係地下好痴立立 可能清潔不足 總結炸雞放題係可以一試既 如果可以包埋其他野食就更好 但見餐牌普遍食物價錢都偏高 值唔值就見仁見智