朴將軍 (已結業)

上網睇到Facebook有$88炸雞放題，就諗住同朋友一齊試吓啦。我哋一行入去，個地下好似有好多膠水咁，行步路都癡粒粒，好核突。跟住我哋坐低左就諗住叫炸雞，點知要叫好耐啲waiter先會留意到，同埋佢哋平時都唔係好留意有冇客人叫佢哋。跟住我哋落order嘅時候，我哋就叫咗蜜糖、甜辣、原味同埋烤醬，但係個waiter完全冇覆我地單同埋你都冇回覆我哋，佢只係點下頭，一粒聲唔出就走左。跟住等左10分鐘左右，啲雞就嚟咗。都幾大碟。但係佢整埋一碟，完全分唔到邊隻味打邊隻。同埋佢啲雞一啲都唔熱，只係有少少暖，同埋啲雞肉炸到乾晒，仲乾過KFC。只係有將嗰啲甜辣味冇咁乾，但係個醬調味得一啲都唔好食。同埋原味嘅雞胸肉好乾好似沙紙咁同埋佢芝士味已經賣晒，冇得試。所以我情願俾貴少少，食返啲非放題嘅炸雞。…查看更多

早一日book好枱，1500食炸雞放題，去到同我地講冇雞，要等1700下一輪，咁book枱嘅意義何在？另外員工態度惡劣，完全冇歉意，專登同朋友過嚟銅鑼灣，結果失望而回，不會再幫襯！！！…查看更多

一入到黎 冇人serve明明冇乜客 個staff 都係到發夢好啦坐低左 試下個炸雞放題其實冇乜要求 正正常常都接受 畢竟依個價錢但係啲雞係完全冇味 雞肉入面完全冇味好似就咁炸完隻雞就沾啲汁就serve 比人食咁最令人受氣係個韓國人staff已經得一個staff佢仲要好似唔想做咁 係到發夢之後仲激氣有個都係韓國人嘅人黎左個staff 仲正 直頭企左係到同佢個fd 傾偈成個場嘅客都唔理有人叫佢 佢仲揮一揮手 之後繼續吹水吹完先埋檯 有冇搞錯？以後唔會再黎！！題外話 其實前一晚十點零黎左睇佢廣告牌話收一點 未上黎想食 點知佢話收左又係果個韓國staff 睇黎係佢自己定嫁個收鋪時間以後都唔會再黎 係以後 貼錢買難受…查看更多

貪佢個$88任食炸雞去食……另外再嗌咗個牛肉飯卷同芝士捲蛋加野飲。個牛肉飯卷嚟先，好大份，但完全無韓式飯卷嘅麻油味😑之後嚟芝士捲蛋，都唔錯，但佢面頭個茄汁好有麥記味😂重點當然係炸雞……我嗌咗4隻味……但……除咗原味我都唔係好分到啲咩味打咩味……原味分到係因為啲雞係無味嘅……係無味！所以雖然係任食，但我只係嗌咗一round ……因為真係食唔落😣Fail......唔會再去食……KFC都好食過佢😓…查看更多

第一次寫食評就係為咗唔想見到人俾錢去試伏。就係咁既，朋友見到$88任食炸雞放題所以組隊一齊食，雖然唔會比好高expectation因為真係平，但佢完全唔值$88囉。d雞又乾又唔入味，每次比既份量都唔同，第一次俾一大碟，之後少到每人得一舊雞。難食都算，淋住食個飯坐低同朋友吹下水，點知同個侍應自己聽錯野係到發我地脾氣，以為大聲就贏曬（佢係韓國人，講普通話），從來未見過咁既服務態度。絕對唔推薦，唔會再食，失望至極，影衰佢自己係韓國個間餐廳，希望唔好再有人中伏。…查看更多

岩岩上facebook見到有$88兩個小時任食炸雞既優惠，就同朋友諗住即時book當晚食。點知個電話打佐好多次先通lol一開頭食係幾過癮，最中意佢隻甜辣味！其他就普普通通。食得多好厭😂😂…查看更多

同朋友敘舊最後得個嬲字雞既質素好一般 不過都叫做對得住個價錢辣味炸雞 辣到條脷都痛 啲醬勁重口味 芝士炸雞無芝士味 醬油炸雞得個咸字食物份量好隨意 一時好大份一時比一兩舊 等好耐職員態度勁差份炸雞太辣 同朋友唔想哂野食 盡量食 食左小小就忍唔到掉左 大家未飽想再叫佢就將垃圾桶入面我地食過既雞系我地面前掉出黎叫我地食 仲系咁要求我地比300蚊最後同佢解釋番 佢堅持收錢 大家爭執左幾句 個位職員什至想行過黎郁手 後來被其他同事拉住好過份 成檯都系女客人 收唔到錢就想郁手？…查看更多

中伏中到傻88蚊話就話任食 其實咩都要計錢 連水都要錢😨服務態度惡劣！永遠唔會再食！味道真係好一般好普通 以為自己去左kfc冇咩事真係唔好去食 難食到冇人有！唔好再去中伏…查看更多

係Facebook見到銅鑼灣呢間韓國菜做緊88蚊任食炸雞優惠，考完試即刻拉friend子一齊去試。店鋪位置方便，但只有兩位韓國店員忙碌服務，而且用英文溝通，稍微不便，出餐亦稍慢。幾鍾意食炸雞嘅夾同埋小垃圾桶。其中最期待的三重芝士味居然不供應一共叫左兩輪，除左脆皮原味外排名如下：蜜糖味、醬油味、烤醬味、甜辣味、辣味。炸雞部位挺好，脆皮略厚，但雞肉挺嫩。全部口味都非常甜，辣味超級無敵辣，辣到我地只好叫飲品。於是叫左一杯超級貴嘅荔枝特飲($5x)，燈泡杯幾靚但底部led燈已壞，有小許失望。限時兩小時，時間足夠有餘但食得唔算飽，因為齋食炸雞有啲悶同乾，加上俾地獄辣味辣完好心累，只係無得試芝士味幾遺憾，埋單每人$130左右，呢個優惠不建議一試。…查看更多

特登黎食炸雞放題 如菜單顯示共有七種口味 因為唔食辣所以只係叫左四種口味 包括原味蜜糖味烤醬味芝士味 原味就似KFC咁不過好食啲既 烤醬味係甜酸醬咁有啲伏 芝士味就只係灑芝士粉上去都還可以 最好味係蜜糖味 炸雞都幾脆口 肉質都唔差 亦唔會乾身 呢個價格食到炸雞都算係咁 但留意份量都唔少 我地得兩個人所以食一兩輪就飽 可能多啲人會好啲 入座起計兩個鐘 場內有大螢幕播韓國MV 平時冇接觸開都覺得幾好睇 額外一提係地下好痴立立 可能清潔不足 總結炸雞放題係可以一試既 如果可以包埋其他野食就更好 但見餐牌普遍食物價錢都偏高 值唔值就見仁見智…查看更多

見佢又出左炸雞放題($88)，就一於book枱嚟試下。早一日book星期六晚都仲有位，咁就同朋友book左8點去試下啦:)一共有7種味，都係大路韓國餐廳有既味，但我地最想食既芝士就已經無晒:(每一次只可以嗌四款味，我地第一次就嗌左原味、BBQ、辣味同蜜糖每次嗌既份量都唔少，而且辣味仲會好細心咁分開上。蜜糖味最好食，BBQ同原味都唔算好食，辣味辣得嚟係苦，最唔好食:(第二輪嗌埋豉油同甜辣，味道都好普通，完全比唔上其他韓式炸雞既餐廳:(炸雞整體嚟講，唔算好熱同好脆，食落都唔嫩滑，而且有啲乾食炸雞食到有啲悶就嗌左個芝士雞蛋卷啦，我地完全唔諗過芝士雞蛋卷可以難食到咁雞蛋好老，仲有蛋殻芝士唔係擺落個雞蛋卷入面，只係一塊片裝芝士放係面，好無誠意雞蛋同芝士咁夾既組合，都比佢整到咁難食好彩兩杯smoothie都係正常味道，無伏:)兩個人最後埋單都要四百幾，依個價錢可以食到好多高質啲韓國餐廳…查看更多

星期五放早，特登訂5:30檯食$88(有加一)任食炸雞。地方方便就腳易搵。不論大廈外牆丶地下大堂或電梯內皆有商店廣告指引，好難搵吾到。5:30到只有一檯情侶，韓國侍應只懂極有限英語，另一操廣東話女侍應就長期在洗手間或伸縮在暗角落，只是上餐豪不積極。仲有個地下超滑，感覺似街市地下。個女厠 ....衛生不合格。頭一輪話只準叫4種口味，每款都有4一5隻。足足等了半小時オ上雞！右上方是三重芝士味，超伏！只是普通雪雞拎去番炸，有雪味丶個心凍嘅丶無預先調味丶仲有水流出來丶所謂三重芝士，只系上面灑了疑似芝士粉，芝士粉又吾融吾癡雞肉上，咩叫三重真系不得而知，超hea超伏！比KFC差！最期望，點知冇芝士咪，冇芝士，超失望，系虛假陳述！左上方是蜜糖味，但竟然是有蒜蓉調味，再灑蜜糖，蒜蓉和蜜糖也配搭得好，味道過關啦。應譯作蒜蜜味honey n garlic chicken.左下方是甜辣味，食到系甜酸味，吾系甜辣，但都OK好味，系咕嚕味，討人喜歡。應譯作甜酸雞sweet n sour chicken.右下方是BBQ chicken.正中BBQ 醬和味，可惜部份雞肉心是凍的！番炸時間吾夠。其實D雞炸得好脆，同時又好乾好嚡，食到界咀，吾緊要，精萃在於醬汁，D醬好惹味，只要番炸得透D，灑上醬汁，可以加分不少！敗筆在於火喉吾夠+懶惰！第二輪叫原味和醬油味，睇個樣就知伏X3。$100到兩小時任食，如果當KFC一桶雞咁嘅角度睇，系抵嘅。質素就吾好講，叫食飽你，你又叫做試過。走嘅時候730，叫做多番D人。…查看更多

響fb睇到介紹話任食炸雞88蚊位，咁咪即約老友黎試下！食兩小時，但我1.5鐘都走了，每次可叫4款味，但叫果陣話無芝士味！勁失望lo,對我地le d 熱愛芝士黎講真係接受唔到，因我星期五晚去、咁就無哂喇？咁星期六日去咪......大家自己諗了叫完要等段時間先黎，成盤d汁撈埋一齊咁，真係唔太知邊款打邊款，明明每款畀一人一件，但d難食既味就畀幾件你，個辣味真係好後悔去叫、真係勁辣，食一件個咀都紅哂，岩哂d鐘意勁辣人士，但佢就唔知點解辣味畀勁多你，蜜糖再叫都係畀一人一件，佢係未食哂唔準再叫的、而一食辣味真係即想走架喇、所以我地提早走去食糖水算講真覺得服務麻麻喇，而炸雞...鞋又勁多雞胸、真係比起去韓國餐廳自己叫有分別所以下次都係唔好貪小便宜好了:(而家寫食評先知原來佢個芝士飯好出名，但我唔會再黎食啦應該仲有一點好怪？女廁得一格，但男廁好多格，男廁無人、但女廁就要等，好怪～…查看更多

又係韓國食物🇰🇷之前去完韓國,就愛上了韓國,之後又好鍾意食韓國野😍今次就食朴將軍啦~餐廳會播最hit嘅韓文歌❤一路聽一路食野👍好正😜韓式燒烤拼盤⭐(之前有優惠,$1😀)D燒肉好好食,唔會太煙韌, 秘製牛仔骨😉,五花腩😃, 豬梅肉😄,中間仲有碟芝士×粟米😍,餐廳有提供生菜,泡菜,可以用嚟包住食😀人參雞湯🐥 $148真係好足料嘅人參雞湯💟,之前你係韓國食過,因為太掛住韓國嘅人參雞湯😆,所以就食人參雞湯,好補👍 有成隻雞,又有紅棗,冬菇,金針菇,菜等等。底部仲有飯😍😍 同韓國食嘅人參雞湯差唔多❤柚子·燒酒 Citron Soju $68❤第一次飲燒酒,飲落感覺好d 勁,有小小難接受,但之後覺得好好飲😜(有14%Alcohol🍻)…查看更多

TGIF！星期五要食好啲！上網見到呢到夜晚有$88任食炸雞，Set Lunch仲幾吸引，就決定同同事黎試一試佢！環境幾好，比我想像中少人，兩個人都有四人枱坐，坐得舒服！其實好想（！！！）食炸雞，但係同事唔食，我一個人食又怕熱氣，都係叫左醬油雞食下，為左食多啲菜，自選三個小食都叫左素。份量都幾足，我原本以為醬油雞會係白切雞加醬油，原來係紅蘿蔔燘雞。燘得好入味，紅蘿蔔同雞肉充斥甜醬油嘅味道，好屋企嘅味道。雞已去皮去骨，方便食又好健康！下次我要黎食炸雞！！！！…查看更多