鮨穴

营业中

休息中

好耐未試過覺得自己有選擇困難症，menu 內將食物有條不紊地分為唔同類別，有刺身、壽司、天婦羅、串燒、創作（特別設計既食物）、飯面類及甜品。豐富既類別之餘，每個類別都有好多選擇，有部分係外邊比較少見，例如火炙左口魚裙邊、白蝦、紫蘇葉海膽等。為左滿足嘗試不同類別既食物既意慾，我哋每樣耛選幾款，包括特上刺身盛會、三文魚籽、白蝦壽司、左口魚裙邊壽司、牛脷串燒、白鱔串燒、紫蘇葉海膽同紅豆綠茶蓉餅。刺身新鮮肥美、左口魚油脂分布平均、白鱔外皮香脆、創意食物既味道頗為特別，一言而敝知 - 非常美味同略帶驚喜！可惜甜品方面冇我喜愛既蕨餅，唯有試試紅豆綠茶蓉餅，紅豆係最值得一讚，起初以為會好似用糯米粉整成而營造出煙韌既質感，但食後就發覺跟啫喱差不多，所以跟期望有灶許落差，味道尚算可以。