影片
更多
2025-02-07
274 浏览
天氣咁凍，梗係要約埋fd子打邊爐啦～今次朋友揀咗呢間位於尖沙咀嘅「香香宮煮」，店舖設計極盡奢華宮廷風，一入到門口就見到金光閃閃嘅龍椅，周圍都係古色古香嘅裝潢，成個感覺就好似穿越咗返去古代宮廷咁，完全係電視劇場景咁✨店內更提供娘娘服裝供打卡，一秒變身清宮劇女主角，真係過足宮煮(公主)癮🤩木瓜龍躉片魚湯鍋整個鍋底以新鮮木瓜做主角，木瓜挖空後鋪滿新鮮龍躉魚片，非常吸晴～等到個湯滾起，店員會將木瓜切開，木瓜嘅清香溶入奶白色嘅魚湯度，令個湯更更鮮甜，魚肉片亦好新鮮，質感好滑，配埋啲金菇同銀芽，口感層次豐富！木瓜除咗幫助分解脂肪之外，仲可以減輕腸胃負擔，難怪完全無Heavy嘅感覺✨艾莎公主牛肉寶盒呢個仙氣繚繞嘅牛肉寶盒好吸睛！底部加乾冰後釋放出嘅白煙，將成個牛肉拼盤襯到好似仙境咁夢幻，未食已經過足打卡癮📸一個寶盒食到牛肉不同部位嘅質感：安格斯牛嘅油花分佈均勻，肉質嫩滑，帶出濃郁肉味；雪花肥牛入口有滿滿油香；而手切本地牛口感比較有嚼勁，帶有原始嘅風味，果然係真材實料；新鮮牛展肉質結實好有口感；至於一啖一粒嘅牛肉粒，我鍾意點啲調味料，釋放更多肉味；牛舌軟滑富彈性，口感特別；牛黃喉口感爽脆帶點彈性，有啲
天氣咁凍，梗係要約埋fd子打邊爐啦～今次朋友揀咗呢間位於尖沙咀嘅「香香宮煮」，店舖設計極盡奢華宮廷風，一入到門口就見到金光閃閃嘅龍椅，周圍都係古色古香嘅裝潢，成個感覺就好似穿越咗返去古代宮廷咁，完全係電視劇場景咁✨店內更提供娘娘服裝供打卡，一秒變身清宮劇女主角，真係過足宮煮(公主)癮🤩
木瓜龍躉片魚湯鍋
整個鍋底以新鮮木瓜做主角，木瓜挖空後鋪滿新鮮龍躉魚片，非常吸晴～等到個湯滾起，店員會將木瓜切開，木瓜嘅清香溶入奶白色嘅魚湯度，令個湯更更鮮甜，魚肉片亦好新鮮，質感好滑，配埋啲金菇同銀芽，口感層次豐富！木瓜除咗幫助分解脂肪之外，仲可以減輕腸胃負擔，難怪完全無Heavy嘅感覺✨
艾莎公主牛肉寶盒
呢個仙氣繚繞嘅牛肉寶盒好吸睛！底部加乾冰後釋放出嘅白煙，將成個牛肉拼盤襯到好似仙境咁夢幻，未食已經過足打卡癮📸一個寶盒食到牛肉不同部位嘅質感：安格斯牛嘅油花分佈均勻，肉質嫩滑，帶出濃郁肉味；雪花肥牛入口有滿滿油香；而手切本地牛口感比較有嚼勁，帶有原始嘅風味，果然係真材實料；新鮮牛展肉質結實好有口感；
至於一啖一粒嘅牛肉粒，我鍾意點啲調味料，釋放更多肉味；牛舌軟滑富彈性，口感特別；牛黃喉口感爽脆帶點彈性，有啲似食緊海鮮咁～
伊比利亞橡果豬
呢啲豬喺西班牙嘅伊比利亞橡果樹林自由穿梭，仲日日食開高級橡果！待遇咁好肉質自然好，豬肉片油花分佈均勻，肉質鮮嫩多汁，仲富含Omega 3，配搭翻滾而香噴噴嘅魚湯，啲豬肉嘅鮮味即刻發揮到200%🤤
手打蟹籽鮮蝦丸
每一粒蝦丸表面都蓋住滿滿嘅蟹籽，彈性十足！咬開時會見到啲蝦肉真係清清楚楚咁藏喺粒丸裡面🍤真材實料就係咁簡單🙌🏻
香香宮煮響鈴拼盤
講起火鍋嘅靈魂，邊有得少咗響鈴？一款經典原味，另一款深黃色嘅係鹹蛋黃味！我鍾意放入湯底度浸多幾秒，等佢吸收晒個湯底嘅精華！咁樣一啖咬落去，湯汁就會爆哂出嚟！要提下個鹹蛋黃味真係欲罷不能，咸香味十足，好快就清晒成碟👍
美濃水蓮
最吸引就係佢獨特嘅口感！爽脆彈牙又唔會太硬，絕對係打邊爐嘅清熱擔當！將水蓮放落滾緊嘅湯底，佢嘅脆嫩質感完全保持到，仲吸收晒個湯底嘅精華！仲有個貼心位係有俾鉸剪方便食，唔使自己用手搣，方便好多～
竹蔗茅根
用古代嘅壺盛住，即刻感覺高貴咗好多，倒出嚟見到個色澤好靚，金黃色仲透晒光，真係好似古代嘅神仙飲品咁～最出色嘅地方係佢嘅天然甜味，可以平衡返個身體去清走啲燥熱🌿又可以清清個口腔，為下一口做好準備，飲完舒服晒！
张贴
