方叔叔重慶老火鍋 (The L. Place)

营业中

休息中

打邊爐係香港人既soul food，無咩野好得過天氣凍時圍埋一齊烚下烚下🫶🏻高質火鍋渝味曉宇全線改名做「方叔叔重慶老火鍋」，創辦人走遍重慶將正宗味道帶黎香港，性價比超高！中環店裝潢夠晒格調，微暗燈光配合簡約設計令人坐得好舒服。最欣賞方叔叔既湯底以人頭收費，就算人數少都唔需要花一二百蚊嗌個火鍋底，可以慳錢食多d火鍋配料😍同老公揀咗雙拼鴛鴦鍋，一邊係大骨滋補湯，大舊豬骨同粟米蘿蔔等一齊煲，夠晒鮮甜；另一邊就係普通辣大紅鍋，有辣勁但唔會太油膩，兩款湯底各有特色。店家亦有貼心地準備好圍裙，唔怕紅油彈到周圍都係！火鍋配料一應俱全，牛豬羊、內臟、丸類、海鮮蔬菜等等，亦有其他地方少見嘅火鍋配料選擇，例如豬心、毛肚等，選擇花多眼亂。🔸嫩牛肉牛肉切成小片，口感嫩滑到不得了，而且保持牛肉鮮味唔會被調味蓋過，推介！🔸 麻辣牛肉必點！！一塊塊牛肉比辣椒粉埋住，放入湯底淥3分鐘後肉質軟稔。辣椒香味加上肉香，可以自己清哂一碟🤤🔸手打四寶丸有齊豬肉、牛肉、蝦同魷魚四款，味道層次豐富🔸珊瑚蚌珊瑚蚌輕輕淥30秒就食得，口感彈牙之餘可以保持鮮味，而且份量都唔少呢度嘅飲品都好多選擇，我地嗌既洛神花鮮橙特飲同埋水仙烏龍檸檬茶