维港叮当，芝麻街，滑嘟嘟和Labubu的展览只去到1/11，所以今天特意看看可否影日落，可惜全军覆没，于是周围随意拍摄一轮后，就去找东西吃，看到L Place，有间叫方叔叔重庆火锅，就试试看，其实我们都不太擅长吃辣，所以打算上去看看可否小辣，然后侍应说可以和厨房说声，所以就入去了.我们选了一个鸳鸯锅，一个是麻辣火锅小辣，另一个是珍菌汤，其实佢本身有一个二人套餐688 ，而且这个套餐可免茶钱，但是我们还是想散叫试试看，最后都系觉得套餐系抵啲，所以各位如果嚟呢度食嘅话，都系叫套餐比较好。我们点了黄喉，极力推介，爽口弹牙，牛小排好味，鹅肠都OK，鸭血很滑，因为鸭血一嚟侍应就说这个他帮我们落，所以没影相，另外又叫一个鱼籽虾滑，这个都没有影到，但好好食.讲一讲个汤底，麻辣火锅汤底由于叫了小辣，对我们嚟讲系非常适合，食得落口又有辣嘅感觉，对我哋嚟讲已经系好足够㗎，而珍菌汤非常好味，菇菌味浓郁，而且好清甜，我哋最后有再点鱼漂，手工鱼面和一个长长又扁扁的粉（忘了名字），就配这个珍菌汤，其实我哋都差唔多饮晒d汤，不过想推介各位食鱼漂，基本上烫约30秒就闻到浓浓的鱼香，吃下又是爽口.然后有个叫Jacky嘅侍应和我们倾偈，我一直都觉得佢个服务态度好好，佢都有问我哋点解唔叫套餐，咁我哋都后悔紧嘅，同埋佢都有讲佢老板喺呢间餐厅嘅热诚同宗旨，就系想更加多嘅香港人可以食重庆火锅，所以喺辣度嘅调节都有所改善，题外话，就系佢话初时老板系唔俾有两个清汤嘅，但后来知道其实有啲香港人唔系太食得辣，而且佢哋其他汤底都真系好出色，所以都放宽咗，我觉得呢个几搞笑。佢呢间唔系话食到好饱𠮶种火锅放题，但系个食材质素真系好高，我最近都懒咗写食评，不过由于个侍应服务态度真系唔错，所以我都想喺呢度赞扬吓佢，希望有机会再嚟呢间食。…查看更多
