傷心酸辣粉 (金百利廣場)

营业中

休息中

夜晚8點半好多餐廳都收曬舖，同b🐷行到肚餓求其搵左傷心酸辣粉食，一上到去好多客人，原來佢哋有90分鐘放題，有雞煲邊爐，所以有一班人喺度打邊爐嘅。但我哋都係食碗粉就夠，於是嗌左小辣粉加小食，好彩嗌左杯凍檸茶救命，小辣真係非同小可呀😵😵。米線上有酸菜同肉碎，肉碎有味道同口感，唔會太硬太散。湯底夠麻夠酸，米線份量少，唔夠喉，建議嗌多幾款餸。小辣已經好辣，bb辣都有啲料🥵。手撕雞同土豆絲都叫左小辣，都係好辣的，但其實幾好味架，下次如果有機會再食要嗌bb辣。