傷心酸辣粉 (金百利廣場)

突然好想食下辣嘢，就谂起伤心酸辣粉，觉得环境比其他分店舒适😚🍽️用餐人数：2❗️❗️系楼下拎咗张宣传单张写住套餐送芋圆西米露，最后❗️货不对板❗️送雪耳红枣糖水，个人觉得呢一点好差🙁▪️二人套餐$192-酸辣米线｜薯粉份量好足，米线挂汁容易断，薯粉好有咬口弹牙，啲花生香脆好好味😋有肉碎同榨菜味道好丰富-口水鸡辣嘅程度啱啱好，因为系冻嘅唔会有越食越辣嘅情况，鸡皮都算唔会好肥，鸡肉食落肉质比较实净，如果钟意滑嫩口感嘅朋友仔唔建议嗌😗-土豆丝土豆丝酸辣味道平衡的好，唔会有辣味/酸味突出嘅情况，而且土豆丝系爽脆口感嘅-香酥软骨炸得好香，一上枱就热辣辣，咬开入面都有啲juicy，可能食惯点沙律酱嘅软骨，所以呢个比较甜啲嘅酱觉得还好，都会钟意唔点酱就咁食🙈…查看更多

Lunch Set 其实算几抵食，午市有几款餐可以拣。 一个小食加一碗酸辣粉$58。加饮品加$5。 铜锣湾黎讲$60内既午餐性价比算不错。不过就要预左撘枱坐会几迫。凉拌海哲猪耳 配酸辣粉 呢个不错，睇落只碟唔大 但份量其实唔小 。 猪耳捞埋麻辣汁好入味。 口水鸡（加大）配酸辣粉 有大大碟口水鸡只系需要加$20。但后尾发现其实同一般份量唔系差太远，好似都只系多2-3旧鸡。 而口水鸡好似无凉拌小碟甘好食。口水汁系辣但唔太香，鸡件好好。好大旧但挂唔到汁😢酸辣粉同多年前味道无太大分别。浓味之选～自己按需要加辣加酸🙂‍↕️小辣唔会太辣…查看更多

我去到嗌落单啦佢叫我等下咁我等啦佢慢慢系度执碗 仲要冇其他客人赶住坐唔明咁急执黎为乜？只系见佢收完碗之后几分钟都冇行番过嚟 完全唔记得要帮我落单晒我时间 以后唔会再去唔系留下执左笠 我先唔会去…查看更多

此生食过最最最最最难食嘅烤鱼！麻辣汤底都不能掩盖鱼肉浓郁嘅腥味！入口仲有一丝炸鱼嘅油益味。食唔落，成条鱼掉晒。餐肉也口感古怪。最后唯有煮两碗薯粉、几旧腐竹草草了事。怒！…查看更多

【招牌酸辣粉🍜】一阵浓郁嘅酸辣香气扑鼻而来，供唔同辣度选择，由微微辣嘅 BB 辣到超级刺激嘅大辣，满足唔同食客对辣嘅需求，红薯粉就Q 弹爽滑，每嗦一口，都可以感受到浓郁嘅汤汁密密实实包住晒滴粉，我拣左中辣辣得够劲，辣到我好似头顶冒烟噉，但又爽到痹！酸得又刚刚好，开胃到不得了!!😹除咗酸辣粉我仲叫左个【口水鸡🐔】鸡肉嘅选材十分新鲜，入口嫩滑多汁，鸡皮弹牙爽口，调料以辣椒油为主，搭配上芝麻、花生碎、蒜末、生抽、醋等多种调味料，味道香浓微辣~饮品冻柠茶就系个唔错嘅选择啦，酸酸甜甜，同酸辣粉搭配一齐啱晒解辣解腻！🤣…查看更多