瀛豐放題料理專門店

午市定食$58起，好多選擇，都唔少打工仔嚟食，而放題有刺身、壽司、燒物、炸物，更特別係泰式料理，日泰應該冇人不愛，平日放假食足三個鐘$209，老實講我會話性價比正常，但必定要留意佢個升級優惠加多$148，連埋加一總共$400都唔使，有埋任食海膽帶子、超打卡，海鮮拼盤包埋原盒魚子醬、Sapporo同1664生啤任飲，再跟個時令任食，今期做緊爆膏奄仔蟹，膏同肉都極鮮甜！鍾意食蟹同海膽嘅人就算酒量不高都輕鬆回本😁 再叫吓泰式主食有特色得來又唔使太生冷，大推泰式燒羊腩同炭燒豬頸肉，記得食澳洲Bulla乳酪雪條勁正！順帶一提，午市放題到三點，店員2:30逐枱過嚟溫馨提示，說話係師傅2:30落場，可以叫定多啲嘢慢慢食慢慢坐，聽得勁舒服，呢啲先係服務態度🫶🏻