本命鐵板燒

呢一餐鐵板燒可以話係一次過滿足咗我心靈同胃口嘅慾望😍$888呢個價錢食盡多款海鮮，值回票價👍🏼
؄
🎬 前菜

脆身嘅雪中餅夾住厚厚嘅蟹肉🦀中間仲有蟹籽提升口感，打一個好頭陣👍🏼

🎬 龍蝦

新鮮鮮甜嘅龍蝦即席拆肉🦞肉質夠彈牙而爽脆，配上龍蝦膏煮成嘅醬汁，香濃不過偏鹹少少🤏🏼

🎬 澳洲黑金鮑魚

唔係講笑，同我塊面差唔多大嘅澳鮑🤩師傅將佢切成薄片，容易熟透又唔會令鮑魚太熟而變韌👍🏼鮑魚肝醬汁令味道更加提升！

🎬 北海道帆立貝

帆立貝本身已經自帶鮮甜，煎過之後更加香口🤤菠菜忌廉汁打底，唔會搶走本身帆立貝嘅甜但又多一種清新感😋

🎬 蟶子

我又係好鍾意蟶子嗰種甜同爽脆🤤呢個蟶子相當厚肉，師傅最後磨咗啲烏魚子上去，令到味道嘅變化更多👍🏼

🎬 溏心瀨尿蝦

只要消費滿$1500就可以有一客🤞🏼基本上兩個set就會有😌嗰條蝦膏真係不得了，仲要係燒到溏心效果，建議可以直接加入菜單😋

🎬 銀鱈魚

煎到外層香脆，魚嘅肉質保持嫩滑🤤銀鱈魚獨特嘅味道配上西京燒醬汁簡直係絕配👍🏼

🎬 黑豚肉薄燒 + 🎬 燒野菜

黑豚肉同洋蔥炒香咗之後會包裹到一層薄皮上🐖薄皮燒後會變得脆口😲呢個食法喺鐵板燒嘅層面上比較少見，就好似一個好惹味嘅豚肉卷咁🤩野菜同時間會伴碟，可以減輕油膩感👍🏼

🎬 炒飯

由白飯變成金黃色色彩鮮艷嘅炒飯😋可以話係幾飽都要食嘅一道菜，鑊氣十足👍🏼

🎬 吸物

用返龍蝦頭去熬製一個清湯，去到尾聲飲返個清甜嘅湯特別舒服🦞

🎬 甘味

係我好鍾意食嘅焦糖多士😍每次有得食我就會份外開心🤪仲有埋濃香嘅開心果雪糕，會唔會太過分呀🫣
؄
鐵板燒嘅餐單經常都會轉，襯住仲有溏心瀨尿蝦送，值得去試一試😋提提大家，食材好多時都係切件上，如果真係要影原狀，記得同師傅講聲😉


▫️以上食評為個人口味，只供參考▪️
؄