一行8人, 點咗以下幾款食物:
招牌花膠雞鍋 - 個湯底超掂, 好濃嘅雞味, 唔係清雞湯貨式, 花膠亦足料唔腥!
打邊爐點少得牛呢, 推介佢哋有個精選牛拼盤, 可以一次過試幾種唔同嘅牛, 有手切本地肥牛, 牛頸脊,
牛舌, 牛胸油夠爽脆, 風門柳...[正] (店員話呢個係限量供應)
手打蝦滑 - 爽口之餘, 裡面真係有蝦㗎!
流心芝士包 - 鍾意食芝士嘅一定要試
脆炸響鈴 - 名符其實 [正] x 2
花雕醉蝦 - 新鮮, 酒味夠
黑椒牛筋丸 - 夠大粒同彈牙 ~
其他仲有魚皮餃, 韮菜餃 ~ 不過不失, 最後加多過超滑烏冬作結尾, 大滿足!!!
Order咗咁多的食物, 每人都係二百幾蚊, 食物新鮮有特色, 值得再去!
