七福神和食亭

营业中

休息中

早排閨蜜推介去咗呢一度食飯！Instagram都有好多人介紹呢一度好有驚喜，所以就今日要去放鬆一下！試咗呢一度嘅牛肝菌羽衣甘藍pizza！呢一個Pizza真係好好食，超級薄嘅餅底，而且好香脆！再加埋上面嘅牛肝菌同埋羽衣甘藍，適合埋素食者一齊食，而且上面嘅芝士亦都好多！食到舔舔脷！另外仲叫咗一份紫蘇免治雞肉餅！本身都好鍾意食免治雞肉，估唔到呢一度都可以食得到！雞肉嘅味道好香，而且呢一度嘅免治雞肉餅煎得啱啱好！外脆內軟嘅口感！仲有叫咗兩款串燒！其中一個就係青唐辛子豚肉！有好清新嘅口感再加埋豚肉嘅香味，真係好正！另外一個就係味噌豚肉！呢一款豚肉嘅味道啱啱好，豚肉好厚身！但係依然可以保持好林嘅口感！最後要介紹嘅就係呢一個海膽蟹肉茶碗蒸！對於鍾意食茶碗蒸嘅人來講一定會好喜歡，呢度嘅蛋蒸得好滑，再加埋海膽同埋蟹肉嘅鮮甜味道！10分match！