Poke Go (大南街)

营业中

休息中

Poke go 呢間出名夏威夷魚生飯。去美國試過之後愛上食poke bowl，返到嚟成日食呢間回味。🥗🥑Poke bowl可以揀自選配料，自己mix and match鍾意嘅配菜同醬料。我同朋友都唔想諗，就直接點佢signature bowl。我點ONO $108Toppings有三文魚，壽司飯，溫室青瓜，雞蛋絲，蟹棒沙律，果仁芝麻醬同芝麻。 成個飯豐富得嚟好健康。飯同餸嘅份量都好足夠，面頭一大球蟹棒沙律。三文魚角切上，每粒都好肥美厚肉，食落每啖飯都有三文魚。我仲另外點咗多醬，加上爽脆青瓜，口感非常滿足。NALU $108Toppings有八爪魚，壽司飯，櫻桃番茄，和式青蔥，甜粟米，蟹棒沙律，辛味蛋黃醬，芝麻，辣椒碎。男朋友一向鍾意食香辣野味少少，NALU嘅辛味蛋黃醬加辣椒碎🌶️就好啱佢口味。飯嘅份量偏多，連大食嘅男仔都話食完好有飽腹感。總括嚟講係抵食，想再食夏威夷壽司飯會返嚟呢間👍🏼。