河內越式料理

营业中

休息中

係油麻地搵咗間越南餐廳食下午茶，價錢適中，見佢餐牌下面仲有2款套餐，感覺抵食啲，所以叫咗組合A餐。河內生牛肉湯粉，配越式春卷，連凍檸茶，$66。碗生牛肉湯河好大碗，牛肉就唔係特別多，但河粉超級多，好似食極都仲有。😂😂塊生牛肉唔鞋，都幾滑，湯底又唔會有過份味精。仲有青檸、辣椒分開上，自己想加先加。越式春卷幾好食，唔係平時中式個種，呢個春卷有啲粉絲同菜，加啲撈檬既醬汁一齊食仲好味！最好嘅係呢個套餐凍飲唔洗加錢，仲幾大杯！