河內越式料理

去完附近睇玩具，晚飯就決定試試這間油麻地超人氣的【河內越式料理】。門口一早已經排滿人，心想應該冇錯啦，正嘢嚟㗎！餐廳氣氛充滿東南亞風情，木系裝潢配上暖黃燈光，坐得相當舒服。入座後點了 美味2人餐，份量剛剛好，菜式選擇豐富。SET MENU美味2人餐 $248沙律西貢牙車快（雞絲沙律）1碟首先上檯的是西貢牙車快（雞絲沙律），清爽開胃，酸酸辣辣的魚露香氣令人食慾大開。主食西貢咖喱牛腩配法包1客之後來到重頭戲西貢咖喱牛腩配法包，牛腩炆得入味柔軟，咖喱香濃不嗆口，用法包沾著汁撕來吃，非常滿足。越式菠蘿炒飯1客炒飯色香味俱全，粒粒分明的飯粒，帶著越式菠蘿果香，配上蝦仁同腰果，酸甜開胃。追加：越式香茅豬扒加點的越式香茅豬扒也是驚喜之選，香茅味濃郁、肉汁豐富，烤得焦香脆口。可選凍熱飲品或特色飲品2杯1. 椰果椰汁西米露2. 鮮芒果椰汁西米露最後當然要來個特色飲品收尾，西米露滑溜香甜，冰涼消暑。濃郁順滑，一試難忘。味道、環境、服務都令我印象深刻，是一間值得再訪的越南菜餐廳。難怪經常大排長龍，真心推薦俾鐘意越式風味嘅朋友！…查看更多

餐廳環境乾淨簡約，有少少河內街頭風情，氣氛輕鬆舒服～坐底打開餐牌，發現佢哋嘅下午茶優惠真係抵食到爆！💥🍜 🍅順化蕃茄蟹肉扎肉湯檬 $55 - 上枱嗰一刻已經被嗰碗紅噹噹嘅湯吸引住～湯底有蕃茄嘅清甜同蟹肉嘅鮮香，仲食到脆口嘅豆卜加幾大片扎肉，彈牙又夠味！真係平靚正！❤️ 🥓🍚 河內三寶飯 $61 - 三寶有燒豬頸肉，雞翼，成個配搭勁香口～豬頸肉切得厚實；雞翼炸得金黃脆卜卜。配埋魚露汁一齊撈飯，真係一流😋 🍤 精選小食加配優惠 每份下午茶都可以加小食👇 + 🦀 酥香軟殼蟹 (1隻) $42 - 外皮炸得超香脆，蟹肉仲保持到嫩滑，配上越式酸甜醬，熱辣辣一咬落去，超香！ + 🐷 越式豬頸肉 (細) $31 - 烤到邊位微焦，肉質爽彈，香氣同份量都十足～配撈檬完全唔輸主菜！ ☕ 特飲優惠加配 想解膩又想chill下，呢兩款飲品都唔錯👇 + ☕️熱越南滴漏咖啡 $18 - 咖啡香濃厚，帶焦糖甜味，好適合飯後慢慢啜。 + 🧊越式青檸冰$10 - 酸甜清新，冰涼解渴～香港天氣飲呢杯真係啱晒！🍋 🍮 甜品壓軸 — 紫糯米芒果乳酪 $38 - 不得了～呢個甜品真係令我眼前一亮！😍 - 紫糯米煙韌香甜，配上清香乳酪同鮮芒果，味道層次豐富，甜而不膩～💜🥭 呢度嘅下午茶真心抵食，$55-$60左右就食到豐富主食，再加小食特飲任你揀，份量足夠、味道正宗，平日放工前或者weekend想輕鬆嘆個越南風下午茶，呢度係個好選擇！而且每位員工都非常熱情有禮，絕對值得推介👍🌿…查看更多

行喺熙來攘往嘅彌敦道，就入去呢間越南餐廳:)醫吓肚避吓雨，儲定能量入秋見隔離檯三個男仔些牙一大碗火車頭麵，size真係好巨大胃就同胃民兩條友挑戰吓，麵底有好多啖啖索湯，料有兩份有肥牛、牛𦟌、牛丸、牛腩、札肉等啲肉都好香口，唔會淡茂茂唧啲青檸汁，即刻變成第二種美味胃民話想食法包，就嗌咗佢地嘅招牌法包試吓，麵包烘得好脆身，包住菜蔬同札肉，乾濕度平衡到，連法包都唔會乾噌噌米紙卷係大胃想食又好耐冇食嘅美物，呢度一碟米紙卷剪成四份，每份好大卷滿滿菜蔬、米粉同蝦肉，煙韌又爆餡，點魚露好香口冇諗過連飲品都整得咁足料，牛油果沙冰真係必嗌，胃民飲咗一啖就唔想讓畀大胃，啖啖勁香牛油果之餘，面頭仲鋪咗好多牛油果肉粒除咗越式飲品，連冰鎮奶茶都有得嗌，真係用一大碗冰鎮住一杯奶茶，冰唔會融到溝淡奶茶香，保留原汁原味…查看更多

見好耐無食越南野，最近經過油麻地就去咗呢間綠色色調嘅---🌟河內越式料理🌟餐廳員工服務態度好好，餐廳到咗晚飯時間越黎越多人，平日夜晚好彩唔洗等位就坐到👍🏻我哋點咗個二人套餐同埋一個小食💕._./ 2人套餐 /🐥| 香茅雞翼湯檬 |🐥二人套餐其中一個套餐可以揀兩款主食，呢個套餐可以一款指定餸，粉麵可以揀檬粉或湯河，我就揀咗熱食嘅湯檬，會跟配埋青檸同辣椒，湯檬個湯底非常夠味，檬粉份量適中，而且好爽口，香茅雞翼分開碟上，唔會浸到淋身，食落口仲保持到雞翼嘅香脆。.🐖| 豬肉卷撈檬 |🐖撈檬乾身上碗，排得好整齊，倒上酸酸地嘅酸辣湯汁，撈埋一齊，非常適合夏天食，豬肉卷同撈檬非常夾。.🦐| 安南鮮蝦米卷 |🦐蝦米卷係越南菜嘅特色，裏面包住嘅材料豐富，一整隻鮮蝦剝好殼，啖啖都有爽口嘅口感，點埋酸辣汁食，更惹味。.🥬| 田園灼時蔬 |🥬套餐包埋蔬菜，非常健康，而且份量足夠二人食，清淡得黎帶有蒜片粉香味。.☕️| 凍越南滴漏咖啡 |☕️+$10可以揀選越南滴漏咖啡，濃濃嘅咖啡香氣，加咗香甜練奶，中和咖啡嘅苦澀。.🥭| 鮮芒果椰汁西米露 |🥭飲得椰汁西米露，唔會太甜，每一啖都有西米露粒粒嘅口感，非常解渴，仲有香甜嘅鮮芒果果肉粒，好飲👍🏻.🦀| 酥香軟殼蟹（2隻）|🦀一碟有兩隻，砌開半邊上碟，算大隻，炸到外脆，裏面嘅啖啖軟殼蟹肉，脆口到可以成隻一齊食。._.…查看更多

夏天真是不想係廚房煮餸所以囝囝放假.就係我放假日.即晚約朋友食飯.上星期食左泰菜今個星期食越菜這道沙律菜的味道清新而豐富。新鮮蔬菜如生菜、紫椰菜、椰菜和紅椒，帶來脆爽的口感與自然的甜味，與嫩滑多汁的雞肉完美搭配。雞肉經過調味，帶有淡淡的香茅或檸檬草氣息，略帶微辣的泰式醬汁（可能含魚露、和辣椒等）增添層次感，酸辣甜鹹平衡得宜。整體風味清爽解膩，雞肉熟度恰到好處，口感鮮嫩，蔬菜的清香與醬汁的濃郁相得益彰，令人回味。這道小食拼盤呈現在精緻的竹籃中，視覺上色彩豐富，令人食慾大增。拼盤包含春卷、炸雞翼、炸蝦餅、米紙卷和爽脆蔬菜，佐以一小碟辣醬和甜醬，增添風味。春卷外皮酥脆，內裡餡料如蝦仁和蔬菜新鮮入味，咬下去有卜卜聲, 豐富材料, 食落好有滿足感。炸雞翼外層金黃香脆，肉質juicy，帶微辣風味，與撒上的炸蒜片相得益彰。炸蝦餅香脆多汁，魚香濃郁，搭配蔬菜的清新口感平衡油膩。米紙卷清爽透薄，內藏蝦和薄荷葉，入口清涼解膩。整體味道層次分明，配上酸辣甜醬汁,酸甜味兼備，份量適中，適合多人分享。這份熱情果沙冰以精緻的高腳杯盛裝，視覺上令人耳目一新。冰沙呈淡黃色，點綴著黑色熱情果籽，頂部覆蓋一層焦糖化的果肉，搭配新鮮薄荷葉裝飾，增添清新感。味道上，熱情果的酸甜味濃郁，與冰沙的細膩口感完美融合，帶有一絲焦糖的香氣，入口清涼解渴。果肉顆粒帶來微妙的嚼感，薄荷葉則增添一抹清香，平衡甜度。份量適中，適合自私飲，性價比高。總體而言，這是一道夏日甜飲品，值得推薦給愛好清涼甜品的食客。超正。因為食物質素不錯. 即叫個外賣.回家比家人嚐嚐三寶飯, 有雞翼、扎肉、香茅豬扒仲有九折環境整潔，服務迅速，性價比高，值得一試，尤其適合愛好越南風味的小食愛好者。…查看更多

那天，同太太二人拍住拖出市區逛街。中午時段，我又想起吃越南粉了。之不過，並不是每間越南餐廳都會提供素食。所以，我雖選中了這一間《河內越式料理》，但也要細閱他們的 menu 啊。結果，真的是有素食選項了，我們倆就可以來，開開心心地吃碗 Phở。太太的素食餐，是豆卜芽菜撈檬。這時很傳統的越式乾撈。是正宗沒湯，沒任何花巧味道。正宗食法，是加魚露去食的。但，太太是茹素的，所以店方就給豉油太太來撈。以豉油的香味來點亮這一個撈檬，味道同魚露一樣鮮。而且，豆卜芽菜的配搭夠晒健康及清新可口，怪不得越南少肥胖人士。我點的是河內生牛肉檬粉。嫩滑的牛肉是以熱湯淋熟的，再配合不同的香菜同芽菜及一個味道很清的牛肉湯，果真是一個鮮香味十足的越南粉。加青檸汁雖會再清新一點，但我只加點辣椒同魚露，就已經夠晒鮮香了。太太點了凍蜂蜜柚子茶做跟餐的特飲。飲落，其實感覺唔到有幾多蜂蜜味。只是杯底有柚子果肉而已。感覺，就是一杯用韓國柚子蜜開水的東西。而我點的香港式飲品，檸檬茶。就正正常常，只是從來沒有要求減甜的我都覺得這杯檸檬茶超甜而已。這次單吃河粉，感覺非之滿意啊。有機會，胃口同荷包更大開時，再來品味一頓更豐富的越南餐，相信，會是更開心的說。…查看更多

今日咗油麻地試呢間「河內越式料理」，佢哋最初係由荃灣一間小店做起，依家開到油麻地！餐廳老闆娘係越南人，所以食物出品都非常地道，味道正宗😎咗個二人套餐 ($198)，份量十足，包括： 🍜 生牛河——湯底清甜，牛肉嫩滑，河粉唔會一夾就斷👍🏻🍜 雞絲撈檬——一上枱就見到鋪到滿滿嘅雞絲，份量絕不吝嗇，雞絲肉質嫩滑👍🏻🍗 4隻香茅雞翼——外脆內嫩，香茅味好出，必食！仲有油菜一碟～另外再加咗個青木瓜沙律，味道清新，有少少辣勁，非常醒胃！整體而言，每樣食物水準都唔錯，價錢合理，尤其係套餐真係好抵食！…查看更多

行開油麻地想食啲清淡得嚟又夠滋味嘅，不妨試下呢間越式料理！今次專登揀咗三款唔同類型嘅主打菜，每樣都各有特色，等我可以同大家詳細分享下～▪ 極品牛三寶湯河粉首先要大讚佢個湯底，飲第一啖已經覺得好清甜，完全冇味精感，係熬出嚟嘅牛骨香。牛三寶份量十足，牛腩肥瘦適中，牛筋煮到剛剛好，入口即化得嚟又保留咬口，牛肚乾淨冇異味。河粉質地滑溜，掛湯能力一流，每啖都食到湯汁精華。▪ 魚露雞扒蛋飯呢個飯絕對係驚喜之作！雞扒煎得恰到好處，外皮帶少少脆，肉質保持嫩滑。魚露調味好出色，甜中帶酸好開胃，撈飯真係一流。重點係隻太陽蛋，蛋黃流心效果完美，戳穿之後同飯撈勻，令成個飯更加濕潤香濃。▪ 鮮芒果椰汁西米露食完熱辣辣嘅主菜，呢個甜品簡直係完美配搭。芒果肉又甜又多，絕對唔係得幾粒咁孤寒。椰汁香濃但唔會太甜，西米煮得晶瑩剔透，口感Q彈。凍凍哋咁飲落去，清新又解膩，為成餐畫上完美句號。整體嚟講，呢間小店嘅食物質素真係唔錯，每款都感受到師傅嘅用心。無論係想食湯粉定係撈飯，甚至飯後甜品，呢度都有好選擇，值得再訪！…查看更多

之前試左大圍覺得味道唔錯, 今日試下油麻地分店, 依度地方闊落d舒服d👍👍店員服務招呼都好積極😚望下餐牌, 款式大致一樣, 今次又係要左一個田園🥕米卷, 一個香茅豬扒🐽金不換炒金邊粉少油, 另外試一個燒豬頸肉🐽 , 唔洗等好耐, 送來米卷同豬頸🐽肉, 先試件豬頸🐽肉, 味道唔錯, 爽口彈牙, 食落去有肉汁, 唔會整到好硬好乾, 咬落去都唔係一口油👍😚, 再之後食一件田園🥕米卷, 正常味道, 食落好清新, 再之後送來金不換香茅豬扒🐽炒金邊粉, 份量依然好大碟, 煮得也好乾身, 但同大圍分店比較之下, d金邊粉比較偏咸, 咸左dd, 豬扒🐽食落都ok, 有肉汁唔硬, 但味道還是大圍優勝一点, 等下次又試下太子的分店先😘😋…查看更多

河內特色綜合湯河粉有生牛、牛腩片、香葉卷、扎肉同雞絲，湯底鮮味十足，有明顯牛骨香，河粉滑溜入口，牛腩片嫩中帶嚼勁，香葉卷係包住豬肉碎，無肥肉，緊實唔韌，大胃王可以試下。生熟牛肉湯河粉生牛肉嫩到幾乎入口即化，熟牛肉帶鹵香，係最經典嘅組合。牛三寶湯河粉有生牛、牛展同牛丸，牛丸彈牙，牛展軟嫩，必食。越式豬頸肉蛋飯豬頸肉肉質鮮嫩，肥瘦相間，外皮焦香。越式生菜包肉碎帶微辣，開胃，加埋魚露咸鮮，一啲都唔膩。越式炸春卷咬落好鬆脆好香！大大塊又滿足。牛油果沙冰唔記得影呢個真係好驚喜！勁正，原本覺得會好淡味，但其實都幾濃郁，滿滿牛油果香，好fresh！媽咪都中意。…查看更多

假期同朋友一齊嚟咗呢間喺油麻地嘅越南菜🇻🇳餐廳食晚餐🤣$67「越式香濃咖喱豬扒飯」：豬扒🐷🥩係帶骨香茅豬扒🐷🥩，肉質軟熟得嚟有少少咬頭，夠香口🤣，配埋咖喱汁一齊撈飯食幾夾🤣跟飯加 $33「越式手打炸蝦餅」：蝦餅打得幾爽滑，炸得幾香口🤣跟飯加 $10「鮮芒果椰汁西米露」：夠晒甜，飲得人好開心🤣$24「上湯灼生菜」：生菜新鮮，食落幾爽脆🤣$56「越式招牌三文治」：呢個三文治其實似越南法式麵包，呢個法式麵包厚切，好大個，裏邊有薄切扎肉🤣$108「越式生菜包」：自己用生菜包住啲豬肉碎嚟食，豬肉碎份量頗多，豬肉碎裏邊有瘦肉、肥豬肉、豬皮等，用生菜包住嚟食，鹹鹹哋辣辣哋，惹味得嚟有啲啲清新嘅感覺🤣…查看更多

🍜呢間越南粉都算係好大碗❤️仲有好多小食揀添👍跟餐加杯埋嘢飲好抵飲🧃🍜河內特色綜合河粉：咩到有嘅河內特色河粉勁正呀，扎肉好爽口、墨魚春卷彈牙，鷄絲、牛腩同埋嫰滑嘅生牛肉🐂一碗有曬咁多餸👍算係好抵食💯🐃極品牛三寶湯河粉：勁喜歡佢上面勁多蔥呀💕牛肉份量多🐂半生熟就最啱我口味👅仲有多汁彈牙嘅牛丸🐮超推介呀🥳🥭芒果牛油果鮮蝦米紙卷：賣相一流📸打卡啱曬芒果肉夠甜❤️配牛油果🥑同蝦🦐真係無得輸呀💯🐽越式香茅豬扒：呢個豬扒好有驚喜😍估唔到咁大塊又多汁，細心位係佢地會幫你切開一件件🔪用筷子夾黎食好方便🥢🌽市集蔬菜餅：炸到脆卜卜嘅蔬菜餅，啱曬平日少食菜嘅朋友仔呢❤️🍒杞子龍眼茶：味道清甜，啱晒而家呢個天氣飲👍好潤喉✅🍯蜜糖柑桔冰：個蜜糖味好香😍配食河粉就啱晒喇💯…查看更多

小店裝潢簡約，木桌椅搭配綠植，營造出輕鬆的南國氛圍。牆上掛著幾幅越南街景畫，讓人彷彿置身河內巷弄。店內燈光柔和，播放著輕快的越南音樂，氛圍舒適，適合小聚或獨享美食。這次點了幾道招牌菜，首推街頭香葉卷伴濱海。香葉卷外皮薄脆，內餡包裹新鮮香草、蝦仁和豬肉，搭配特製魚露醬，酸甜微辣，入口清新，令人回味。蓮藕苗沙律則是另一驚喜，蓮藕苗爽脆，拌以牛肉絲和花生碎，醬汁酸辣平衡，開胃又不膩。芒果牛油果鮮蝦米紙卷同樣出色，米紙薄透，裹著芒果的甜、牛油果的軟滑與蝦的鮮美，沾上花生醬，層次豐富，每一口都充滿夏日氣息。最後的招牌越式三文治更是經典，法式麵包烤得酥脆，夾雜醃製蔬菜、香草和嫩滑雞肉，風味濃郁又不失清爽。…查看更多

呢間河內Pho主打傳統越式風味，由湯檬到撈檬都係滿滿地道感～ 今次試咗幾款招牌，真心推薦俾鍾意越南菜嘅你！ 生牛肉湯湯檬每日熬製嘅牛骨湯底，清甜得嚟濃郁！生牛肉片薄切，浸入熱湯輕輕燙熟，肉質嫩滑～ 檬粉吸盡湯汁精華，一啖湯一啖粉，暖入心扉❣️ 香茅豬扒撈檬炭燒香茅豬扒超惹味！外層微焦，內裡肉汁鎖住～ 撈檬配上魚露酸甜汁，清新開胃，夏天食真係一流🌞 河內小食拼盤一次過試齊經典越南小食：春卷、扎肉、蝦餅！全部即叫即炸，脆卜卜口感，點上酸辣醬更加提鮮～ 椰汁三色冰椰汁香濃唔會太甜，三色冰層次感十足！🥥 杞子龍眼茶養生之選！清甜龍眼加上杞子，滋潤又解渴，食完濃味嘢飲返杯就最啱～ …查看更多

河內越式料理嘅越式河內三寶飯，真係一個唔可以錯過嘅美食😚飯上面有豐富嘅配料，包括香嫩嘅豬扒、雞翼扎肉，豬扒同雞翼都好香香茅味，肉質又嫩，每一啖都充滿咗越南嘅風味，令人食到停唔到🤤另外，河內特色綜合河粉亦都好正，河粉滑順，湯底清甜，配上各種新鮮嘅配料，真係好滿足😚呢個都幾驚喜，好推蔫😍越式豬扒包好食過當地🤣豬扒外脆內嫩，搭配上香菜同蘿蔔，法包又鬆軟煙靭，口感層次豐富，食到好滿足😋再加埋越式炸春卷，外脆內軟，咬落去一口就有滿滿嘅餡料，味道絕對唔會令你失望🙌越式炸蝦餅亦都好好味，外層金黃酥脆，內裡蝦肉鮮甜，好香脆🤤而且環境好靚，適合打卡，性價比高☺️📍 河內越式料理 (油麻地)油麻地彌敦道554-556號寶聲大廈地下A號舖#河內越式料理 #美食推介 #油麻地美食 #性價比高 #抵食推介…查看更多