蔥仔越南包

营业中

休息中

成日都見依間鋪咁多好評，今日經過終於決定買個包試下。裡面店鋪比較細，位置唔多，不過都見keep住有人入黎幫襯。成間鋪嘅主打就係越南法包，見香港都唔係好多地方有賣，所以今次都係我第一次食。法包有分半個或者全個，我今次買左半個試下，見到佢裡面都夾好多配料，如果有唔食嘅可以叫佢走，我就走左芫荽同埋辣椒。因為落order之後先即刻整，所以如果前面咁岩多人嘅話就要等一等。不過都算快手，焗完個包之後加入配料就完成，我買外賣就用紙袋裝住。打開見到個包真係幾多配料，食落口感豐富而且好fresh，加上裡面搽左蛋黃醬同個包好match，令佢更加好食，連我依個平時唔中意食蔬菜嘅人都覺得個法包好味。食過一次肯定會再encore，唔怪得咁多人讚。