影片
更多
2021-01-28
493 浏览
早幾日夜晚經開上環，見到呢間餃子店裝修幾靚，好似好新淨乾淨，就喺呢度買外賣嘅晚餐返屋企食啦。🌽煎粟米香菇鮮豬肉餃（六隻）$47煎餃大大粒，餡料足，我覺得粟米香菇同豬肉呢個配搭好正，有豬肉嘅鮮味、粟米嘅鮮甜同埋香菇嘅香味，係我最鍾意嘅水餃配搭。煎餃煎得超香，堂食應該仲正。配埋啲醋咁食，好食。🐮蘿蔔炆牛腩飯 $59呢個飯配送美顏骨膠紫菜鮮魚湯一碗，餐牌話係100%冇味精嘅，飲落個湯真係幾好飲㗎。個飯仲可以免費加底一次，不過我覺得都夠食，又唔想自己變大胃王，所以就唔加底啦。牛腩同牛筋都煮得好入味，蘿蔔清甜，正。🐟骨膠鮮魚湯西洋菜鮮豬肉餃（8隻）$45呢個魚湯同牛腩飯個紫菜魚湯嘅味道又唔同，呢個魚湯嘅魚味比較濃，有先甜啲，我飲晒成個湯。餃子好大粒好好食，皮薄餡靚，配埋呢度嘅獨家秘方自製菜脯，正啊。🦐鮮蝦紅油抄手（八隻） $45每粒抄手入面都有足料嘅蝦。個紅油好香，上面仲有啲蒜，味道一流。🫖囍八方冷泡茶 $26店員介紹話呢個冷泡茶係每日自家沖制，更特別嘅係佢係用電解還原水，話會健康啲㗎。聽完之後即刻買左黎試。又幾好飲，有好香嘅烏龍茶味。🧋樽仔奶茶 $26呢個店員都話係師傅每日新鮮沖嘅。奶茶甜甜地
🌽煎粟米香菇鮮豬肉餃（六隻）$47
煎餃大大粒，餡料足，我覺得粟米香菇同豬肉呢個配搭好正，有豬肉嘅鮮味、粟米嘅鮮甜同埋香菇嘅香味，係我最鍾意嘅水餃配搭。煎餃煎得超香，堂食應該仲正。配埋啲醋咁食，好食。
🐮蘿蔔炆牛腩飯 $59
呢個飯配送美顏骨膠紫菜鮮魚湯一碗，餐牌話係100%冇味精嘅，飲落個湯真係幾好飲㗎。個飯仲可以免費加底一次，不過我覺得都夠食，又唔想自己變大胃王，所以就唔加底啦。牛腩同牛筋都煮得好入味，蘿蔔清甜，正。
🐟骨膠鮮魚湯西洋菜鮮豬肉餃（8隻）$45
呢個魚湯同牛腩飯個紫菜魚湯嘅味道又唔同，呢個魚湯嘅魚味比較濃，有先甜啲，我飲晒成個湯。餃子好大粒好好食，皮薄餡靚，配埋呢度嘅獨家秘方自製菜脯，正啊。
🦐鮮蝦紅油抄手（八隻） $45
每粒抄手入面都有足料嘅蝦。個紅油好香，上面仲有啲蒜，味道一流。
🫖囍八方冷泡茶 $26
店員介紹話呢個冷泡茶係每日自家沖制，更特別嘅係佢係用電解還原水，話會健康啲㗎。聽完之後即刻買左黎試。又幾好飲，有好香嘅烏龍茶味。
🧋樽仔奶茶 $26
呢個店員都話係師傅每日新鮮沖嘅。奶茶甜甜地，奶味好濃，茶味又足，口感順滑，好飲呀。
🐷囍八方韭菜鮮豬肉餃（ 12隻） $42
見到生賣嘅韭菜餃12隻都只係$42好似幾抵買，就忍唔住買咗啲返屋企，等遲啲唔想出街買嘢食嘅時候，可以自己喺屋企煮嚟試吓啦。
其實上環都真係幾近我，呢間又幾高質，真係下次都可以再嚟買呀。
张贴
