囍八方 (差館上街)

東華醫院附近食lunch朋友話想食上海菜，搵咗呢間專食餃子同上海麵🍜▶️ 隨你歡喜: 兩餸一麵 ($52)麵底: 上海粗麵兩餸: 嫩雞片、自家製豬軟骨湯底: 美顏骨膠鮮魚湯上海粗麵唔係我預期嗰隻🥲呢個扁身似河粉，唔夠煙韌彈牙，自己麻麻地湯底清淡健康，略嫌唔夠鮮魚味，自己狂加豆豉辣菜脯好在本身有加蔥同芫荽🌿雞片偏鞋身，胡椒味重🐔然而豬軟骨大件好食，軟骨似啫喱同埋肉質鬆散🐷▶️ 樽仔奶茶 (+$18)幾好飲，有啲似台式珍珠奶茶味會甜少少🧋-冇預期好食，唯獨豬軟骨值得試環境比較細，座位唔算多，坐得有啲擠迫不過服務好好，侍應好友善性價比以上環區嚟講OK，冇服務費…查看更多

好多時嚟食煎餃，同事食普通餃子，兩者味道都唔差。食物算多選擇，唯獨是煎餃冇配套餐，令人卻步，所以通常食其他午餐。價位唔算抵食。服務方面：幫襯咗好多次，餐廳侍應不停換人，時好時壞。今日剛剛幫襯，有個叔叔服務態度好好，好勤力！反而有兩個後生仔女，除咗一齊走出去食下煙，喺餐廳只係行行企企玩電話。最叻係扮工，慢慢戴個手套行去張枱扮想幫手(但個叔叔已經忍唔住執埋)，真係辛苦哂。好啦去執另一張枱，速度同樹獺有得fight，好想再去睇佢表演!…查看更多

今日咁啱經過見到呢間主打餃子舖頭員工見到地下濕都會提醒過客行路小心啲店舖位置唔算大但係坐落都算舒服～～～～～～～～～～～～～～～～～～～～～～～魚湯餃子味道唔錯食得出冇落味精同埋餃子一齊食感覺唔錯骨膠鮮魚湯韭菜鮮豬肉餃Shanghai Thin Noodles鮮魚湯 牛筋味道幾好，咬落口感偏腍牛腩偏韌及比較乾比我想像中乾身好多蘿蔔炆牛腩飯（跟紫棠鮮魚湯）Stewed Beef Brisket with Rice (Include Fish Soup)…查看更多

今次我去咗間同餃子有段不解之緣嘅店，期待心情好似打開禮物盒咁，滿滿嘅期待！首先登場嘅係鮮魚湯韭菜鮮豬肉餃，真係餃中霸王，一啖咬落去，豬肉滋味爆棚，韭菜嘅清香味打圈圈，湯底同樣唔示弱，鮮而不膩，帶點微妙的甘香。換轉個角度嚟個魚蛋，講真，四粒就算少少奢侈，不過每粒彈牙嘅口感，就連想起都仲覺得饞涎欲滴，滑溜溜嘅表面，一咬落去真係彈性十足。當然唔少得個自選三餸一麵，粟米香菇豬肉餃中間透着自家風味，菜心水餃清新得嚟又涮口，個蝦球更加曬唔使多講，新鮮同爽口度簡直係拍住上嚟嘅。撈麵部分，XO醬香辣帶勁，和融入鮮脆蝦球就由你話事！最尾匙，一啖骨膠原鮮魚湯嘅營養滿分，鮮蝦菠菜餃咬落瞬間，蝦子嘅鮮味同菠菜嘅鮮甜糅合得剛剛好，而杯裝茶飲為呢頓饗宴畫上完美句號，滋味滿分！總結成句嘅話，就係呢度食物真係咁好食得滯，滿載回憶走出門口，熱辣辣嘅幸福感覺在心頭散播。🍵🥟🍜…查看更多

我一個大肚婆先到、同佢講兩位，坐低左四人枱，佢要求我𨍭去走廊二人枱，椅背後係樓梯，當時亦都做緊清潔、 但係當時係冇其他客人等亦有吉枱。明白小店難做所以我照做、但係之後店入面其他客人，共有三對客人分別坐左六人枱及四人枱x2跟住有兩個人入嚟，又係坐咗六人台。店員叫佢轉四人枱，人哋望佢一眼之後冇理佢，佢冇再出聲。咁點解一定要我坐底左都起身轉？全程我一邊食一邊縮埋，隔離仲有一張吉嘅四人枱。快快脆脆食完直程叫我老公唔洗入嚟。…查看更多

行上山叫外賣新同事唔熟手，落單已經唔識俾飛仔。 又包錯外賣，拎個時已經話點解咁小，佢又話包齊㗎啦。 點知拎到翻去有一份係錯曬。 打電話，打足30次電話都無人聽。 叫佢送過嚟，又話無人手。 道歉俾啲誠意…查看更多

今日同女兒興起想食餃子，就嚟咗上環喜八方，見OpenRice極度推薦，入到嚟，有位身型微胖，長頭髮的服務員禮貌地帶我們進去坐，因為外面比較大雨，全身都有點兒濕透，他很細心地給我遞上紙巾和一杯暖水，之後我問呢度有咩出名，該位同事向我推薦五福臨門和西洋菜煎餃，隨後食物送上，我也很窩心跟我說煎餃點醋和菜譜特別好吃，可以嘗試一下，期間女兒倒瀉了杯水在大哭，這位服務員很好，立即送上糖果哄我女兒，而且餃子很好吃，很窩心～下次會再來光顧。…查看更多

大家去開上環就唔好錯過呢間上海餃子店 如果遇着下午茶仲抵食 入到餐廳見到員工喺度包餃子 即係呢度嘅餃子全人手包 我叫咗個煎韭菜餃加鮮魚湯米線 個餃子皮薄餡靚 而且好足料👍🏻👍🏻…查看更多

上環一帶小店林立，既有傳統百年老店、古董店、雜貨店，亦有文青打卡咖啡店，週末最啱約埋三五知己嚟尋找傳統文化嘅味道🧐差館上街有一間紅色好搶眼嘅店舖「囍八方」，初頭以為係售賣中式婚嫁用品，走近望原來係餃子麵館。🥟老闆係上海人，對家鄉美食念念不忘，喺香港一直搵唔到滿意嘅正宗滬菜，所以把心一橫自己開店，嚴選優質食材，堅持每日用新鮮食材即包即賣，100%無添加味精。今日嚟試「自家製豬軟骨鮮蝦菠菜餃米線配麻辣雲耳青瓜、鹵水蛋、樽仔奶茶」🍜前菜雲耳同青瓜，爽口彈牙，麻辣醒胃，米線湯底就用鮮魚熬製8小時而成，吸收魚肉精華，飲落鮮甜，仲有豐富營養同美顏效果。手工製作嘅餃子🥟，餃子皮厚度恰到好處，皮薄煙韌。豬肉菠菜同蝦肉餡料豐富，新鮮熱辣。而豬軟骨口感鬆軟，燜得非常入味軟腍。飲埋樽仔奶茶，茶味香濃，口感順滑細膩，甜甜地凍冰冰，兩三下就飲咗半樽。👍🏻🐻評分：🐻🐻🐻🐻4.5/5…查看更多

餃子很多完化，而且好多不同的餡料。有辣，有唔辣，愛食麻辣的人可選麻辣豬豬餃子。我當日食了個3餸面，其中有芹菜餃頁丸，但其中最特別是面質是淮山面，感覺很健康。當中還有西洋菜餸，芹菜，麻辣而且3餸面比套餐抵食，可以再次光顧。…查看更多

第一次黎囍八方試左三款唔同嘅餃子，佢哋嘅餃子都有個共通點，就係餃子皮夠哂薄😝，鍾意食薄皮嘅話一定要黎試下啦湯韭菜餃 8隻 ($45)：骨膠鮮魚熬製而成嘅湯底，味道清甜完全唔腥，好飲得黎又唔會搶左餃子本身嘅鮮味~ 雖然就得八隻，但每隻都唔細，韭菜味香濃豬肉唔算太肥，感覺幾健康，加埋辣菜脯一齊食一流秘製川味雲吞仔 15隻 ($45)：麻辣湯底配雲吞仔又係另一食法，湯底十分惹味，雲吞仔就比其他餃細隻，少餡啲唔係啖啖肉，不過鍾意食辣嘅話可以一試鮮蝦紅油抄手 12隻 ($65)：皮又薄又滑，入面嘅鮮蝦好彈牙，沾滿辣油蔥花一齊食幾正👍🏻…查看更多

想搵間少鹽少糖無味精餐廳，結果就嚟到上環嘅囍八方，食自家製水餃。囍八方煎韭菜鮮豬肉餃每日新鮮自製，餃子微燶，脆口爆汁，韭菜香味突出。魚片頭撈麵麵口感佳，魚片頭軟稔，配上紫菜骨膠鮮魚湯，無添加味精，充滿菜鮮甜味。秘方辣菜脯加入豆豉同香料，令食物嘅味道層次大大提升。…查看更多

骨膠鮮魚湯韭菜鮮豬肉餃 ($45)雖然得八隻但係好大隻，好足料！都好多韭菜，豬肉唔會太肥鮮魚湯都好濃好飲😋 但係飲完之後就感覺到其實都幾鹹骨膠鮮魚湯魚蛋 ($33)得四粒 有少少貴 但係魚蛋好彈牙😋自選三餸一麵 ($55)揀咗粟米香菇豬肉餃 蝦球 菜心水餃比韭菜豬肉餃較清淡，但係都好食😋 粟米粒較多冇乜香菇蝦球都好新鮮，麵嘅份量都唔少—— 🌟 𝗈𝗏𝖾𝗋𝖺𝗅𝗅 8/10📍 囍八方 上環差館上街3-3A號地舖—𝖿𝗈𝗅𝗅𝗈𝗐 @𝗈𝖺𝗍𝗌𝗇𝗐𝖺𝖿𝖿𝗅𝖾𝗌 𝖿𝗈𝗋 𝗆𝗈𝗋𝖾!…查看更多

🌟上環餃子專門店✨ 秘製梅菜扣肉飯 🐷 $58Pork with preserved vegetables飯餐配送美顏骨膠紫菜先魚湯🐟🥣一碗 (100%無味精) 👍🏻…查看更多

工作經過呢間餃子店 就試試佢平日lunch時間剛好有位 再遲一步就要等位了三餸一麵 選了西洋菜餃&粟米香菇豬肉餃&豬軟骨餃子每款有2隻 西洋菜餃好好味 推薦👍🏼 粟米香菇豬肉餃也不錯 而豬軟骨只有1舊 略嫌太少 但味道係十分好 夠林入味又不太咸配鮮魚湯淮山麵 湯底濃郁有魚味 飲晒都唔口渴樽仔奶茶濃濃的奶茶香味總括黎講呢間餃子店食物質素都非常高 期待下次再去試埋其他款式既餃子…查看更多