魚你相聚

营业中

休息中

酸菜魚平時都比較少食，因為多數都係辣嘅，同埋款式都唔多，呢間🐟魚你相聚🐟其實佢係酸菜魚專門店，竟然仲有一人套餐添😆，連煲仔飯都有，我哋就揀咗二至四人嘅酸菜魚套餐，仲可以走辣嫁👍🏻我哋嗌左鯛魚嘅酸菜魚套餐，另外再加肥牛都係$300,佢個套餐包含九種配菜，仲配埋薯粉，白飯，米線任選兩款，一定夠晒飽🤣🤣，嚟到嘅時候超大盤，佢真係幾足料，鯛魚比較爽脆，份量都多，食極都好似仲有咁，話明係酸菜魚酸菜一定要夠多先好食，佢真係可以做到走辣嘅效果，平時嗰啲冇咗辣味湯底就會淡好多，但呢度嘅就唔會，湯底都算濃郁😋，另外肥牛脂肪比例均勻，肉質都算唔錯，而配菜都相當豐富，真係超抵食👏🏻👏🏻🐔鹽焗手撕雞 $42 :我仲嗌咗一款小食，佢個手撕雞都幾夠味，雞味都重，份量適中，價錢合理，另外仲有麻辣味，鍾意食嘅可以嚟試吓😋🍰紅糖糍粑 $28 :最後叫咗個甜品，糍粑唔係度度中式嘅餐廳都可以食到，咁啱見到佢呢度有梗係要試吓啦，食嘅時候裏面超軟熟，而外面有微微嘅金黃色，簡直係外脆內軟🤤🤤